კომუნიკაციების კომისიის წევრმა, ეკატერინე იმედაძემ, და ComCom-ის საერთაშორისო ურთიერთობების სამსახურის უფროსმა, ნინო გრძელიშვილმა, მონაწილეობა მიიღეს ტელეკომუნიკაციის საერთაშორისო კავშირისა (ITU) და აზერბაიჯანის ციფრული განვითარებისა და ტრანსპორტის სამინისტროს (Mincom) მიერ ორგანიზებულ ტელეკომუნიკაციის განვითარების მსოფლიო კონფერენციაში (WTDC-25), რომლის მთავარ თემას „უნივერსალური, მნიშვნელოვანი და ხელმისაწვდომი დაკავშირებადობა ინკლუზიური და მდგრადი ციფრული...

კომუნიკაციების კომისიამ მასწავლებლებისა და მოსწავლეებისთვის მეორედ გამოცხადებულ „მედიაწიგნიერების ოლიმპიადაში“ გამარჯვებულად მესტიის მუნიციპალიტეტის სოფელ ლახამულას საჯარო სკოლა და ბათუმის პირველი საჯარო სკოლა გამოავლინა და თანამედროვე მედიალაბორატორიით დააჯილდოვა. ორივე სკოლას ComCom-მა მაღალტექნოლოგიური პრიზები ინტერაქციული დაფა და ლეპტოპი და ასევე, მობილურის შტატივი, მიკროფონი და ლედ განათება გადასცა. ამასთან, სკოლებში მოეწყო საერთო სივრცე, სადაც მოსწავლეები ტექნიკის...

კომუნიკაციების კომისიის მიერ დასრულდა საქართველოს სატელეკომუნიკაციო სექტორის კომპლექსური კვლევის მეორე ეტაპი, რომელიც საკომუნიკაციო ფიზიკური ინფრასტრუქტურის ბაზრების ანალიზს მოიცავდა.  კვლევაში მონაწილე ევროკავშირის ექსპერტებმა, ComCom-ის გუნდთან ერთად დაადგინეს, რომ ფიზიკური ინფრასტრუქტურის ბაზარზე, კერძოდ, საკომუნიკაციო/საკანალიზაციო არხებთან დაშვების ბაზარზე მნიშვნელოვანი ძალაუფლების მქონე ოპერატორს „სილქნეტი“ წარმოადგენს. გარდა ამისა, კვლევამ აჩვენა, რომ აღნიშნულ ბაზრებზე...

ComCom-ის მედიალაბმა, სტარტაპ იდეების კონკურსი „იდეადრომი“ უკვე მეთერთმეტედ გამოაცხადა. კონკურსი აქსელერაციის ერთკვირიან პროგრამას წარმოადგენს, რომელიც ახალბედა ციფრული მეწარმეების აღმოჩენას, მათი იდეების დახვეწასა და პროდუქტად გარდაქმნაში ხელშეწყობას ემსახურება. „იდეადრომში“ მონაწილეობა შეუძლიათ სტარტაპერებს, რომლებიც ციფრული კომუნიკაციის, AI-ს, კიბერუსაფრთხოების, ყალბი ინფორმაციისგან თავდაცვისა და ინფორმაციის ხელმისაწვდომობის მიმართულებით მუშაობენ. კონკურსში...

კომუნიკაციების კომისიამ ეთერში პროდუქტის განთავსებისა (Pp - Product placement) და სპონსორობის წესების დარღვევისთვის „ტელეიმედი“ 20 000 ლარით, ხოლო „რუსთავი 2“ (მედია ჰოლდინგი)  – 10 000 ლარით დააჯარიმა. ComCom-ის მიერ განხორციელებული მედიამონიტორინგის შედეგად გამოვლინდა, რომ „ტელეიმედისა“ და „რუსთავი 2“-ის ეთერში სარეკლამო კომუნიკაციები, მათ შორის, პროდუქტის განთავსება და სპონსორობა კანონით დადგენილი წესების დარღვევით განთავსდა....

2025 წლის III კვარტალში ტელე და რადიო მაუწყებლების ჯამური კომერციული სარეკლამო შემოსავალი, წინა წლის იმავე პერიოდთან შედარებით, 73.6%-ით გაიზარდა და 31.4 მილიონი ლარი შეადგინა. მხოლოდ ტელევიზიების შემთხვევაში კი, კომერციული სარეკლამო შემოსავლებიდან მიღებული თანხა 85%-ით გაიზარდა და 29.5 მილიონი ლარი შეადგინა. ტელემაუწყებლებისთვის 2025 წლის III კვარტალში მიღებული სარეკლამო შემოსავლების ძირითადი, 88.6%-იანი წილი პირდაპირმა რეკლამამ, 6.7% - სპონსორობამ, ხოლო 4.6% პროდუქტის განთავსებამ...

კომუნიკაციების კომისიის წევრმა, ვახტანგ აბაშიძემ, კოლეგა მარეგულირებელი უწყებების ხელმძღვანელებთან ერთად, კონკურენციისა და მომხმარებლის დაცვის რიგით მეოთხე საერთაშორისო კონფერენციის გახსნით სესიაში მიიღო მონაწილეობა, რომლის ფარგლებშიც, კომუნიკაციების კომისიის ისეთი მნიშვნელოვანი პროექტები მიმოიხილა, რომლებიც სატელეკომუნიკაციო სექტორში მომხმარებლებისთვის ხარისხიანი მომსახურების მიწოდების უზრუნველყოფისა და მედიაწიგნიერების განვითარების მიზნით ქვეყანაში ხორციელდება. სიტყვით გამოსვლისას, ვახტანგ...

კომუნიკაციების კომისიამ საქართველოს წამყვან კერძო FM რადიო მაუწყებლების  წარმომადგენლებთან სამუშაო შეხვედრა გამართა, რომელიც კერძო რადიო მაუწყებლობის ლიცენზირების პროცესის გამარტივების შესახებ ComCom-ის ინიციატივის წარდგენასა და მის განხილვას ემსახურებოდა. აღნიშნული რადიო მაუწყებლებისთვის მეტად მოქნილი პირობების შექმნას და ინვესტიციების დაზოგვას ისახავს მიზნად. კერძოდ, ინიციატივა ითვალისწინებს მაუწყებლობის ზონების რაოდენობის 15-დან 28-მდე გაზრდას, მათ შორის, კახეთის, აჭარისა და...

კომუნიკაციების კომისიის მედიალაბმა, UNESCO-ს მედია და ინფორმაციული წიგნიერების გლობალური კვირეულის ფარგლებში, ხელოვნური ინტელექტისა და მედიაწიგნიერების გარშემო არსებული გამოწვევების და შესაძლებლობების შესახებ ცნობიერების ამაღლების მიზნით, მედიაწიგნიერების გლობალური ჰაკათონი მეორედ გამოაცხადა. ჰაკათონში მონაწილეობის მისაღებად გუნდებს რეგისტრაციის გავლა 24 ნოემბრის ჩათვლით შეეძლებათ. ჰაკათონი რამდენიმე დღიანი ინტელექტუალური შეჯიბრია, რომელშიც სხვადასხვა ასაკის, პროფესიისა და...

კომუნიკაციების კომისიის საერთაშორისო ურთიერთობების სამსახურის უფროსმა, ნინო გრძელიშვილმა, მონაწილეობა მიიღო ევროპის აუდიოვიზუალური ობსერვატორიის (EAO) აღმასრულებელი საბჭოს რიგით 74-ე სხდომაში, რომელიც EAO-ს 2026 წლის სამოქმედო გეგმისა და ბიუჯეტის დამტკიცებას დაეთმო. სხდომის ფარგლებში, EAO-ს აღმასრულებელმა დირექტორმა და წარმომადგენლებმა წარადგინეს ევროპის აუდიოვიზუალური ობსერვატორიის მიმდინარე საქმიანობა, ასევე, ძირითადი პრიორიტეტული მიმართულებები და სხვა საორგანიზაციო საკითხები მიმოიხილეს....