დღეს, საქართველოს კომუნიკაციების ეროვნულმა კომისიამ შპს ტელერადიოკომპანია ”ევრიკას” კუთვნილი ლიცენზიების მოქმედების ვადის გაგრძელების და ასევე ლიცენზიის მოდიფიცირების შესახებ მიიღო გადაწყვეტილება.

შპს ტელერადიოკომპანია ”ევრიკას” №B17 და №B18 ლიცენზიებს მოქმედების ვადა 2023 წლის 8 მაისამდე გაუგრძელდა. სხდომაზე, ასევე „ევრიკას“ №B17 ლიცენზიის მოდიფიცირება განხორციელდა, რაც საშუალებას აძლევს ტელერადიკომპანიას თანამგზავრული სისტემების მიწისზედა და ორბიტალური სადგურების გამოყენებითაც იმაუწყებლოს საქართველოს მთელ ტერიტორიაზე. კომპანია აქამდე კერძო სპეციალიზებულ მაუწყებლობას ახორციელებდა, მოდიფიცირების შემდეგ  №B17 ლიცენზიის სახედ განისაზღვრა კერძო მაუწყებლობა, ლიცენზიის სახეობად – საერთო ტელემაუწყებლობა, მაუწყებლობის მინიმალურ ხანგრძლივობად კი დღე–ღამის განმავლობაში 6 საათი.

დღეს, ასევე  შპს ტელერადიოკომპანია ”ევრიკას” კუთვნილი რადიომაუწყებლობის №B18  ლიცენზიის მოდიფიცირებაც მოხდა, რომლის სახედ განისაზღვრა – კერძო მაუწყებლობა. ლიცენზიის სახეობად –  საერთო რადიომაუწყებლობა, მაუწყებლობის გავრცელების გეოგრაფიული ზონა დარჩა –  თბილისი, მაუწყებლობის მინიმალურ ხანგრძლივობა კი დღე–ღამის განმავლობაში 6 საათი.

გადაწყვეტილების სრული ვერსია შეგიძლიათ იხილოთ კომისიის გადაწყვეტილებების გვერდზე.