ComCom-მა კულტურულ-შემოქმედებითი რადიოს კონკურსი გამოაცხადა

კომუნიკაციების კომისიამ კულტურულ-შემოქმედებითი რადიომაუწყებლობის ლიცენზიის მისაღებად კონკურსი გამოაცხადა. კონკურსში მონაწილეობის მიღება „მაუწყებლობის შესახებ“ საქართველოს კანონის შესაბამისად შეუძლია კერძო სამართლის არასამეწარმეო (არაკომერციული) იურიდიული პირის ან საჯარო სამართლის იურიდიული პირის − კულტურის ორგანიზაციას, რომელიც უზრუნველყოფს კულტურის სხვადასხვა დარგის პოპულარიზაციას, საზოგადოების ფართო ფენებისთვის კულტურის სფეროსთან დაკავშირებული შემეცნებითი ინფორმაციისა და ამ სფეროში მიმდინარე მოვლენების შესახებ ინფორმაციის მიწოდებას. 

კონკურსის ფარგლებში, კულტურულ-შემოქმედებითი რადიომაუწყებლობის სპეციალიზებული ლიცენზია გაიცემა და საეთერო მომსახურების ზონად N1 - თბილისი განისაზღვრება. ლიცენზიის მაძიებლებს დოკუმენტაციის წარმოდგენა კომუნიკაციების კომისიაში 2026 წლის 1 ივნისის 17:00 საათამდე შეუძლიათ. 

კულტურულ-შემოქმედებითი რადიომაუწყებლობის ლიცენზიის მოსაპოვებლად კონკურსი 2026 წლის 9 ივლისს ჩატარდება.