საქართველოს კომუნიკაციების ეროვნული კომისიის აპარატის (შემდგომში “კომისიის აპარატი”) შრომის შინაგანაწესი შედგენილია კომისიის დებულებისა და საქართველოს შრომის კანონმდებლობის საფუძველზე. შრომის შინაგანაწესი განსაზღვრავს მუშაკის სამსახურში მიღებისა და დათხოვნის წესებს, სამუშაო და დასვენების დროს, შრომითი მოტივაციის საფუძვლებს, ხელფასის გაცემის წესსა და მუშაკთა უფლება-მოვალეობებს. მისი მიზანია ხელი შეუწყოს შრომის დისციპლინის დაცვას, სამუშაო დროის რაციონალურად გამოყენებას, სამუშაოს ხარისხიანად შესრულებას.