საქართველოს კომუნიკაციების ეროვნული კომისიის 2025 წლის 27 მარტის №გ-25-7/139 გადაწყვეტილებაში ტექნიკური შეცდომის გასწორების შესახებ

განმცხადებელი: სს „საქართველოს რკინიგზა“

კომისიის სხდომის თარიღი: 17.04.2025

I. აღწერილობითი ნაწილი

1. საქართველოს კომუნიკაციების ეროვნული კომისია (შემდგომში „კომისია“) აღნიშნავს,  რომ კომისიის მიერ  2025 წლის 27 მარტის  მიღებულ  იქნა  №  გ-25-7/139  გადაწყვეტილება, სს „საქართველოს რკინიგზისთვის“ (რეგისტრირებული ჩუღურეთის რ-ის სასამართლოს მიერ  1998 წლის  21 დეკემბერს, რეგ. N  03/4-965; ს.კ.  №202886010) სიხშირული  რესურსის (საქართველოს ტერიტორიაზე მეტრულ (ოცდახუთი) და მოკლე ტალღათა (ერთი)  დიაპაზონებში  ოცდაექვსი სიხშირე) მინიჭების თაობაზე.

II. სამოტივაციო ნაწილი

2. კომისიის  2025 წლის  27 მარტის № გ-25-7/139 გადაწყვეტილებაში დაშვებულ იქნა ტექნიკური შეცდომა, კერძოდ,   გადაწყვეტილების   ტექსტში   კომისიის   სხდომის   თარიღად:   27.03.2024-ის ნაცვლად უნდა ეწეროს 27.03.2025.

3. საქართველოს ზოგადი ადმინისტრაციული კოდექსის 59-ე მუხლის შესაბამისად, ადმინისტრაციული ორგანო უფლებამოსილია მის მიერ გამოცემულ ინდივიდუალურ ადმინისტრაციულ-სამართლებრივ აქტში  გაასწოროს  ტექნიკური,  აგრეთვე  გამოთვლის  დროს დაშვებული შეცდომები. ინდივიდუალურ ადმინისტრაციულ-სამართლებრივ აქტში არსებითი შესწორების შეტანა    ნიშნავს    ახალი  ადმინისტრაციულ-სამართლებრივი    აქტის    გამოცემას. შეცდომების გასწორება უნდა გამოქვეყნდეს ან გადაეცეს ოფიციალური გაცნობისთვის იმავე წესით, რომელიც დადგენილია ინდივიდუალური ადმინისტრაციული-სამართლებრივი აქტის გამოქვეყნებისათვის ან გაცნობისათვის.

III. სარეზოლუციო ნაწილი

ზემოაღნიშნულიდან გამომდინარე,  საქართველოს  ზოგადი  ადმინისტრაციული  კოდექსის  59-ე მუხლის შესაბამისად კომისიამ, კენჭისყრის შედეგად, ერთხმად

გადაწყვიტა:

1. გასწორდეს კომისიის 2025 წლის 27 მარტის №გ-25-7/139 გადაწყვეტილებაში დაშვებული ტექნიკური შეცდომა და გადაწყვეტილების ტექსტში „კომისიის სხდომის თარიღი: 27.03.2024“-ის ნაცვლად ჩაიწეროს „კომისიის სხდომის თარიღი: 27.03.2025“.