შპს „ინტერკონექტ ვოიპ სოლუშენსის“ ავტორიზაციის განცხადების განუხილველად დატოვების შესახებ

შპს „ინტერკონექტ ვოიპ სოლუშენსის“  ავტორიზაციის განცხადების განუხილველად დატოვების შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიას განცხადებით მიმართა შპს „ინტერკონექტ ვოიპ სოლუშენსმა“ (კომისიაში რეგისტრაციის №შ-23-7/2270,   12.07.2023) „ელექტრონული   კომუნიკაციების  შესახებ“ საქართველოს კანონის შესაბამისად ავტორიზაციის გავლის თაობაზე.

კომისია აღნიშნავს, რომ შპს „ინტერკონექტ ვოიპ სოლუშენსის“ ავტორიზაციის განცხადების თანდართულ  დოკუმენტებში  არ  იყო წარმოდგენილი  კომპანიის წესდება/სადამფუძნებლო შეთანხმება, ასვე ავტორიზებადი საქმიანობის კატეგორიებში გაუგებარი იყო, თუ რა საქმიანობებზე სურდა კომპანიას ავტორიზაციის გავლა.

კომისია აღნიშნავს, რომ „ელექტრონული კომუნიკაციების შესახებ“ საქართველოს კანონის მე-18 მუხლის მე-3 პუნქტის შესაბამისად თუ დეკლარაციის   თანდართული   დოკუმენტები წარმოდგენილია არასრულყოფილად, კომისია ავტორიზაციის მსურველ პირს გადაწყვეტილებით განუსაზღვრავს დოკუმენტაციის   სრულყოფილად   წარმოდგენის   5-დღიან   ვადას.   ამ   ვადაში დოკუმენტაციის წარმოუდგენლობის შემთხვევაში ავტორიზაცია არ განხორციელდება. ავტორიზაციის განუხორციელებლობა  არ  ართმევს პირს  უფლებას, განმეორებით  მიმართოს კომისიას ავტორიზაციისთვის. თუკი დეკლარაციის მიღებიდან  5 სამუშაო დღის ვადაში კომისია ავტორიზაციის მსურველ პირს არ განუსაზღვრავს დოკუმენტაციის სრულყოფილად წარმოდგენის ვადას, პირი ჩაითვლება ავტორიზებულად.

ზემოაღნიშნულიდან გამომდინარე კომისიის 2023 წლის 13 ივლისის Nგ-23-22/321 გადაწყვეტილებით შპს „ინტერკონექტ ვოიპ  სოლუშენსს “ განესაზღვრა 5 დღე ელექტრონული კომუნიკაციების სფეროში    ავტორიზაციის  გავლის თაობაზე  კომისიაში წარმოდგენილი განცხადების №შ-2 3-7/2270, 12.07.2023 და მასზე თანდართული დოკუმენტაციის სრულყოფილად წარმოდგენის მიზნით. შპს „ინტერკონექტ ვოიპ სოლუშენსს“ კომისიის გადაწყვეტილება გაეგზავნა 2023 წლის 14 ივლისს  ელექტრონულ  მისამართზე,  განმეორებით  კომპანიას  გადაწყვეტილება გაეგზავნა 2023 წლის 17 ივლისს განცხადებაში მითითებულ ფაქტობრივ მისმართზე. კომპანიას ზემოაღნიშნული დოკუმენტაცია კომისიაში დღემდე არ წარმოუდგენია.

ყოველივე ზემოაღნიშნულის გათვალისწინებით,  კომისიამ, „ელექტრონული კომუნიკაციების შესახებ“  საქართველოს  კანონის  მე-18  მუხლის  მე-3  პუნქტის,  საქართველოს ზოგადი ადმინისტრაციული კოდექსის 76-ე მუხლის შესაბამისად, კენჭისყრის შედეგად, ერთხმად

გადაწყვიტა:

1. განუხილველად დარჩეს შპს „ინტერკონექტ ვოიპ სოლუშენსის “ (ს/კ 404673698) ელექტრონული კომუნიკაციების სფეროში ავტორიზაციის გავლის თაობაზე კომისიაში წარმოდგენილი განცხადება (კომისიაში რეგისტრაციის №შ-23-7/2270, 12.07.2023);

2.  განემარტოს შპს „ინტერკონექტ ვოიპ სოლუშენსს“,  რომ  ავტორიზაციის  განუხორციელებლობა არ  ართმევს  პირს უფლებას, განმეორებით მიმართოს კომისიას ავტორიზაციისათვის;