„სააბონენტო ნომრების პორტაბელურობის დებულების დამტკიცების შესახებ” საქართველოს კომუნიკაციების ეროვნული კომისიის 2010 წლის 6 ივლისის N3 დადგენილებაში ცვლილებების შეტანის მიზნით დაწყებული საჯარო ადმინისტრაციული წარმოების შეწყვეტის შესახებ

საქართველოს  კომუნიკაციების  ეროვნული  კომისია  (შემდგომში  „კომისია“)  აღნიშნავს, რომ 2021 წლის   29 აპრილს კომისიამ Nგ-21-23/267 გადაწყვეტილებით დაიწყო საჯარო ადმინისტრაციული წარმოება „სააბონენტო ნომრების პორტაბელურობის დებულების დამტკიცების შესახებ” საქართველოს კომუნიკაციების ეროვნული კომისიის 2010 წლის 6 ივლისის N3 დადგენილებაში ცვლილებების შეტანის.. კომისიის მიერ  ზეპირი მოსმენის თარიღად განისაზღვრა 2021 წლის 17 ივნისი.

ზეპირი მოსმენის გამართვამდე მობილური საკომუნიკაციო მომსახურების მიმწოდებელი კომპანიების წარმომადგენლებს და კომისიის აპარატის სხვადასხვა დეპარტამენტს შორის შედგა არაერთი სამუშაო შეხვედრა, რომლის ფარგლებში განხილულ იქნა „სააბონენტო ნომრების პორტაბელურობის დებულებაში შესატანი ცვლილებები. პროექტის განხილვის პროცესში გათვალისწინებული იქნა კომპანიების მიერ წარმოდგენილი წინადადებები და შენიშვნები.

იმ  გარემოების  გათვალისწინებით,  რომ  პროექტით  გათვალისწინებული  ცალკეული საკითხების დამუშავების პროცესი კვლავ გრძელდებოდა, კომისიამ მიიჩნია, რომ ზეპირი მოსმენა უნდა გაგრძელებულიყო და გამართულიყო 2021 წლის 1 ივლისს.

2021 წლის 1 ივლისს დანიშნული ზეპირი მოსმენა, გაგრძელდა 15, 22 და 29 ივლისს, თუმცა კომისიამ მიიჩნია, რომ წარმოდგენილი ცვლილებები იყო მნიშვნელოვანი და საჭიროებდა ოპერატორებთან დამატებით განხილვას და შემდგომ დამუშავებას.

საქართველოს ზოგადი ადმინისტრაციული კოდექსის 1064   პირველი ნაწილის თანახმად, ყველას აქვს უფლება, წარადგინოს საკუთარი მოსაზრება კოლეგიური ადმინისტრაციული ორგანოს ნორმატიული ადმინისტრაციულ-სამართლებრივი აქტის პროექტთან დაკავშირებით. ამავე კოდექსის 96-ე მუხლის პირველი ნაწილის თანახმად, ადმინისტრაციული ორგანო ვალდებულია ადმინისტრაციული წარმოებისას გამოიკვლიოს საქმისათვის მნიშვნელობის მქონე ყველა გარემოება და გადაწყვეტილება მიიღოს ამ გარემოებათა შეფასებისა და ურთიერთშეჯერების საფუძველზე.

ზემოაღნიშნულიდან გათვალისწინებით, კომისიას მიაჩნია, რომ „სააბონენტო ნომრების პორტაბელურობის  დებულების  დამტკიცების  შესახებ”  საქართველოს  კომუნიკაციების ეროვნული კომისიის 2010 წლის 6 ივლისის N3 დადგენილებაში ცვლილებების შეტანის თაობაზე    საქართველოს    კომუნიკაციების    ეროვნული    კომისიის   დადგენილების მიღების      მიზნით      კომისიის      2021      წლის      29    აპრილის      Nგ-21-23     / 267 გადაწყვეტილებით დაწყებული საჯარო ადმინისტრაციული წარმოება უნდა შეწყდეს.

ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 96-ე მუხლის პირველი ნაწილის, 1061   მუხლის პირველი ნაწილის, 103-ე მუხლის 11 ნაწილის, 1064  პირველი ნაწილის, 115-ე მუხლის მე-5 ნაწილის შესაბამისად, კომისიამ, კენჭისყრის შედეგად, ერთხმად

გადაწყვიტა:

1. შეწყდეს „სააბონენტო ნომრების პორტაბელურობის დებულების დამტკიცების შესახებ” საქართველოს კომუნიკაციების ეროვნული კომისიის 2010 წლის 6 ივლისის N3 დადგენილებაში ცვლილების შეტანის    თაობაზე    საქართველოს    კომუნიკაციების ეროვნული კომისიის დადგენილების მიღების მიზნით კომისიის 2021 წლის 29 აპრილის Nგ-21-23 / 267 გადაწყვეტილებით დაწყებული საჯარო ადმინისტრაციული წარმოება;

2.    გადაწყვეტილება   ძალაში   შედის   მისი      კომისიის      ოფიციალურ      ვებ-გვერდზე (www.comcom.ge) გამოქვეყნებისთანავე;

3. დაევალოს კომისიის ადმინისტრაციას (ნ.ჯანელიძე) აღნიშნული გადაწყვეტილების კომისიის ოფიციალურ ვებ-გვერდზე ინტერნეტში (www.comcom.ge) გამოქვეყნება;