შპს „სისტემ 1“-სთვის ადმინისტრაციული პასუხისმგებლობის დაკისრების თაობაზე

 შპს „სისტემ 1“-სთვის ადმინისტრაციული პასუხისმგებლობის დაკისრების თაობაზე

   I.  აღწერილობითი ნაწილი

 საქართველოს კომუნიკაციების ეროვნული კომისიის (შემდგომში „კომისია“) აპარატის სამართლებრივი დეპარტამენტის მოხსენებითი ბარათის (N21-10-1704, 20/09/2021) საფუძველზე, „საქართველოს კომუნიკაციების ეროვნული კომისიის საქმიანობის მარეგულირებელი წესების“ 36-ე მუხლის მე-14 პუნქტის შესაბამისად,  კომისიაში დაიწყო მარტივი ადმინისტრაციული წარმოება შპს „სისტემ 1“-სთვის ადმინისტრაციული პასუხისმგებლობის დაკისრების თაობაზე, მის მიერ ,,ელექტრონული კომუნიკაციების შესახებ“  საქართველოს კანონის მე-19 მუხლის მე-2 პუნქტის „ბ“, „გ“ და „მ“ ქვეპუნქტების დარღვევის  გამო.

 კომისიის აპარატის სამართლებრივი დეპარტამენტის მოხსენებითი ბარათიდან (N21-10-1704, 20/09/2021) ირკვევა, რომ კომისიის აპარატის სამართლებრივი დეპარტამანეტის ავტორიზებისა და ლიცენზირების ჯგუფის მიერ გამოვლინდა, რომ შპს „სისტემ 1“-მა (ს/კ412748923) 2021 წლის 19 ივლისს (ამონაწერი თან ერთვის) განახორციელა დირექტორის და  დამფუძნებლის  ცვლილება,  კერძოდ  ბაკურ  უბილავას  ნაცვლად  დირექტორად  და

100%-იანი წილის მფლობელად განისაზღვრა გრიგოლ ადეიშვილი. თანხმობა წილის გასხვისების თაობაზე კომპანიას მიღებული აქვს 2021 წლის 17 ივნისს კომისიის Nგ-21-11/369 გადაწყვეტილებით. ზემოაღნიშნული ცვლილებების თაობაზე ინფორმაცია   არ წარმოუდგენია. შესაბამისად,   კომისიის აპარატის სამართლებრივი დეპარტამანეტის ავტორიზებისა და ლიცენზირების ჯგუფს მიაჩნია, რომ კომპანიის მიერ დარღვეულია

”ელექტრონული კომუნიკაციების შესახებ” საქართველოს კანონის მე-19 მუხლის მე-2 პუნქტის „ბ“,„გ“ და „მ“ ქვეპუნქტები.

შპს „სისტემ 1“-სთვის ადმინისტრაციული პასუხისმგებლობის დაკისრების თაობაზე საკითხის განხილვა დაინიშნა 2021 წლის 30 სექტემბერს, 15:00 საათზე, რის თაობაზეც კომპანიას ეცნობა შეტყობინებით (N გ-21-03/2737, 27/09/2021). შეტყობინებით, შპს „სისტემ 1“ მოწვეულ იქნა ადმინისტრაციულ წარმოებაში მონაწილეობის მისაღებად და განემარტა

 კომისიის 2021 წლის 30 სექტემბრის სხდომაზე გამოცხადდა შპს „სისტემ 1“-ის დირექტორი გ. ადეიშვილი, რომელსაც ახსნა-განმარტება არ გაუკეთებია.

 II. გამოკვლეული მტკიცებულებები

 1.   კომისიის აპარატის სამართლებრივი დეპარტამენტის მოხსენებითი ბარათი (N21-10-1704, 20/09/2021) თანდართული მასალით.

2. „შპს „სისტემ 1“-ის (ს/კ 412748923) წილის 100%-ის ფიზიკური პირის გრიგოლ ადეიშვილის მიერ შეძენაზე თანხმობის მიცემის საკითხის განხილვის შესახებ“ კომისიის 2021 წლის 17 ივნისის Nგ-21-11 / 369 გადაწყვეტილება;

3.  ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან (B21038169,   14/04/2021;   B21072783, 19/07/2021) და კომისიის ავტორიზებულ პირთა უწყებრივი რეესტრიდან შპს „სისტემ 1“-ის შესახებ;

4.   შპს „სისტემ 1“-სთვის გაგზავნილი შეტყობინება (N გ-21-03/2737, 27/09/2021) კომისიის 2021 წლის 30 სექტემბრის სხდომაზე მოწვევის თაობაზე;

 III.   დადგენილი  ფაქტობრივი გარემოებები

 1.   შპს „სისტემ 1“ არის ელექტრონული კომუნიკაციების სფეროში ავტორიზებული პირი. შესაბამისად, ვალდებულია შეასრულოს ელექტრონული კომუნიკაციების სფეროში მოქმედი  კანონმდებლობით,    მათ    შორის,    კომისიის    დადგენილებებითა    და გადაწყვეტილებებით განსაზღვრული მოთხოვნები.

2. „შპს „სისტემ 1“-ის (ს/კ 412748923) წილის 100%-ის ფიზიკური პირის გრიგოლ ადეიშვილის მიერ შეძენაზე თანხმობის მიცემის საკითხის განხილვის შესახებ“ კომისიის 2021 წლის 17 ივნისის Nგ-21-11 / 369 გადაწყვეტილების პირველი პუნქტის თანახმად, შპს „სისტემ 1“-ს მიეცა თანხმობა, შპს „სისტემ 1“-ის წილის 100%-ის ფიზიკური პირის, გრიგოლ ადეიშვილის, მიერ შეძენაზე;

3. კომისიის   აპარატის   სამართლებრივი   დეპარტამანეტის   ავტორიზებისა   და ლიცენზირების ჯგუფის მიერ გამოვლინდა, რომ შპს „სისტემ 1“-მა (ს/კ412748923) 2021 წლის 19 ივლისს განახორციელა დირექტორის და დამფუძნებლის ცვლილება, კერძოდ ბაკურ უბილავას ნაცვლად დირექტორად და 100%-იანი წილის მფლობელად განისაზღვრა   გრიგოლ   ადეიშვილი   (ამონაწერი   საჯარო   რეესტრიდან   B21038169, 14/04/2021;   B21072783, 19/07/2021); ცვლილების განხორციელებიდან (19/07/2021), კანონით განსაზღვრულ 7 სამუშაო დღიან ვადაში, შპს „სისტემ 1“-ს კომისიისთვის არ მიუწოდებია ინფორმაცია წილის მფლობელთა ცვლილების    და დირექტორის ცვლილების თაობაზე;

4. შპს „სისტემ 1“-ის მიმართ ბოლო ერთი წლის განმავლობაში „ელექტრონული კომუნიკაციების                                   შესახებ“  საქართველოს  კანონით  გათვალისწინებული პასუხისმგებლობის არც  ერთი  სახე მსგავსი/ანალოგიური     დარღვევისთვის გამოყენებული არ ყოფილა.

 IV.  გადაწყვეტილების მიღების სამართლებრივი საფუძვლები და დასაბუთება

2. „ელექტრონული კომუნიკაციების შესახებ” საქართველოს კანონის 43-ე მუხლის პირველი პუნქტის შესაბამისად, კომისია აკონტროლებს ავტორიზებულ პირთა მიერ ელექტრონული კომუნიკაციების სფეროში განხორციელებულ საქმიანობას, ასევე მათ მიერ ელექტრონული კომუნიკაციების სფეროში საქართველოს კანონმდებლობის, მათ შორის, კომისიის   დადგენილებებითა   და   გადაწყვეტილებებით   განსაზღვრული მოთხოვნებისა და ვალდებულებების  შესრულებას.

3. „ელექტრონული კომუნიკაციების შესახებ” საქართველოს კანონის 44-ე მუხლის პირველი პუნქტის   შესაბამისად,   ავტორიზებულ   პირთა   მიერ   ელექტრონული კომუნიკაციების სფეროში  საქართველოს  კანონმდებლობის,  მათ  შორის,  კომისიის დადგენილებებითა და გადაწყვეტილებებით განსაზღვრული მოთხოვნებისა და ვალდებულებების შესრულების მონიტორინგს კომისია  ახორციელებს მუდმივად და სისტემატურად.

4.   „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის   „ბ“    ქვეპუნქტის    შესაბამისად,    ავტორიზებული    პირი    ვალდებულია შეასრულოს ელექტრონული  კომუნიკაციების  სფეროში   საქართველოს კანონმდებლობა, მათ შორის, საქართველოს მთავრობის დადგენილებები, აგრეთვე, კომისიის დადგენილებები და გადაწყვეტილებები.

5.   „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის „გ“ ქვეპუნქტის მიხედვით, ავტორიზებული პირი ვალდებულია, თავისი საქმიანობის ან/და მომსახურების მოდიფიცირების, ასევე წილის ან აქციების მფლობელთა ცვლილების თაობაზე 7 სამუშაო დღის ვადაში შეატყობინოს კომისიას, რომელსაც ეს ინფორმაცია შეაქვს ავტორიზებულ პირთა უწყებრივ რეესტრში.

6.   „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის „მ“ ქვეპუნქტის მიხედვით, ავტორიზებული პირი ვალდებულია ამ კანონის მე-16 მუხლის მე-2 პუნქტის „ა“ და „ბ“ ქვეპუნქტებით გათვალისწინებული მონაცემების შეცვლის შემთხვევაში კომისიას წერილობით აცნობოს ამის შესახებ და ცვლილებების რეგისტრაციიდან 7 სამუშაო დღის ვადაში წარუდგინოს სათანადო დოკუმენტები.

7. „ელექტრონული კომუნიკაციების შესახებ“ საქართველოს კანონის მე-16 მუხლის პირველი პუნქტის მიხედვით, ელექტრონული საკომუნიკაციო ქსელებითა და საშუალებებით უზრუნველყოფის ან/და ელექტრონული საკომუნიკაციო ქსელებითა და საშუალებებით მომსახურების მიწოდების ავტორიზაციის მსურველი პირი მიმართავს კომისიას დეკლარაციით, რომლის ფორმას ამტკიცებს კომისია. ამავე მუხლის მე-2 პუნქტის „ბ“ ქვეპუნქტის მიხედვით, დეკლარაციაში მითითებული უნდა იყოს   იურიდიული პირისათვის – საფირმო სახელწოდება, სამართლებრივი ფორმა, იურიდიული მისამართი (ადგილსამყოფელი), მეწარმეთა და არასამეწარმეო (არაკომერციული) იურიდიული პირების რეესტრში რეგისტრაციის შესახებ მონაცემები, წარმომადგენლობაზე უფლებამოსილი პირის სახელი და გვარი.

8. „ელექტრონული კომუნიკაციების შესახებ“ საქართველოს კანონის 45-ე მუხლის პირველი პუნქტის შესაბამისად, ავტორიზებული პირის მიერ ელექტრონული კომუნიკაციების სფეროში საქართველოს კანონმდებლობის, მათ შორის, კომისიის დადგენილებებითა და გადაწყვეტილებებით განსაზღვრული მოთხოვნებისა და ვალდებულებების, დარღვევის ან/და ლიცენზიის მფლობელის მიერ სალიცენზიო პირობების  დარღვევის     შემთხვევაში     კომისია     უფლებამოსილია     დამრღვევი წერილობით გააფრთხილოს.

9.   საქართველოს ზოგადი ადმინისტრაციული კოდექსის 76-ე მუხლის პირველი ნაწილის „ბ“ ქვეპუნქტის და ,,საქართველოს კომუნიკაციების ეროვნული კომისიის საქმიანობის მარეგულირებელი წესების“ მე-4 მუხლის პირველი პუნქტის „ბ“ ქვეპუნქტის შესაბამისად, კომისიაში ადმინისტრაციული წარმოების დაწყების საფუძველია კომისიისათვის კანონმდებლობით დაკისრებული ვალდებულება ან მინიჭებული უფლებამოსილება - გამოსცეს ადმინისტრაციული აქტი.

კომისია აღნიშნავს, რომ „ელექტრონული კომუნიკაციების შესახებ“ საქართველოს კანონის თანახმად, ავტორიზებული პირი ვალდებულია,   წილის ან აქციების მფლობელთა ცვლილების თაობაზე 7 სამუშაო დღის ვადაში შეატყობინოს კომისიას, რომელსაც ეს ინფორმაცია შეაქვს ავტორიზებულ პირთა უწყებრივ რეესტრში, ხოლო საფირმო სახელწოდების, სამართლებრივი ფორმის, იურიდიული მისამართის (ადგილსამყოფელი), მეწარმეთა და არასამეწარმეო (არაკომერციული) იურიდიული პირების რეესტრში რეგისტრაციის შესახებ მონაცემების, წარმომადგენლობაზე უფლებამოსილი პირის სახელის და გვარის ცვლილების შემთხვევაში კომისიას წერილობით აცნობოს ამის შესახებ და ცვლილებების რეგისტრაციიდან 7 სამუშაო დღის ვადაში წარუდგინოს სათანადო დოკუმენტები. შესაბამისად, შპს „სისტემ 1“-ის მიერ, წილის მფლობელთა ცვლილების და დირექტორის ცვლილების რეგისტრაციიდან, კანონით განსაზღვრულ 7 სამუშაო დღის ვადაში      ინფორმაციის/დოკუმენტაციის  წარმოუდგენლობით  დარღვეულ იქნა „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის ბ), გ) და მ) ქვეპუნქტები. ზემოაღნიშნული „ელექტრონული კომუნიკაციების შესახებ“ საქართველოს    კანონის 45-ე    მუხლის    პირველი    პუნქტის     შესაბამისად, ავტორიზებული პირის     სანქცირების   საფუძველია.   იმის   გათვალისწინებით,   რომ კომპანიის მხრიდან  ბოლო ერთი წლის განმავლობაში ადგილი არ ჰქონდა იგივე/მსგავს დარღვევას, შპს „სისტემ 1“  წერილობით უნდა გაფრთხილდეს.

V. სარეზოლუციო ნაწილი

ყოველივე ზემოაღნიშნულის საფუძველზე, საქართველოს ზოგადი ადმინისტრაციული კოდექსის 96-ე, 97-ე, 98-ე,   99-ე მუხლების, ,,ელექტრონული კომუნიკაციების შესახებ“ საქართველოს კანონის მე–11 მუხლის პირველი და მესამე პუნქტის „ზ“ ქვეპუნქტის, მე-19 მუხლის მე-2 პუნქტის „ბ“, „გ“ და „მ“ ქვეპუნქტების, 43-ე და 44-ე მუხლების, 45-ე მუხლის პირველი პუნქტის, საქართველოს კომუნიკაციების ეროვნული კომისიის მარეგულირებელი წესების მე-4 მუხლის პირველი პუნქტის „ბ“ ქვეპუნქტისა და 36-ე მუხლის მე-14 პუნქტის შესაბამისად, კომისიამ კენჭისყრის შედეგად, ერთხმად

გადაწყვიტა: