შპს „ტელეკომპანია თბილისისთვის“ ადმინისტრაციული პასუხისმგებლობის დაკისრების თაობაზე

შპს „ტელეკომპანია თბილისისთვის“ ადმინისტრაციული პასუხისმგებლობის დაკისრების თაობაზე

I.  აღწერილობითი ნაწილი

საქართველოს კომუნიკაციების ეროვნული კომისიის (შემდგომში „კომისია“) აპარატის სამართლებრივი დეპარტამენტის  მოხსენებითი ბარათის (N21-10-1508, 17/08/2021) საფუძველზე, „საქართველოს კომუნიკაციების ეროვნული კომისიის საქმიანობის მარეგულირებელი წესების“ 36-ე მუხლის მე-14 პუნქტის შესაბამისად, კომისიაში დაიწყო მარტივი ადმინისტრაციული წარმოება შპს „ტელეკომპანია თბილისისთვის“ ადმინისტრაციული პასუხისმგებლობის დაკისრების თაობაზე, მის მიერ „მაუწყებლობის შესახებ“ საქართვლოს კანონის 451 მუხლის მე-10 პუნქტის ა) ქვეპუნქტის და 62-ე მუხლის პირველი პუნქტის და „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის ბ) და მ) ქვეპუნქტების დარღვევის გამო.

კომისიის აპარატის სამართლებრივი დეპარტამენტის  მოხსენებით ბარათში (N21-10-1508, 17/08/2021)    აღნიშნულია,   რომ 2021   წლის   11   აგვისტოს   კომისიაში   შემოვიდა   შპს “ტელეკომპანია თბილისის“ ს/კ 202063818 წერილი (N21-6/3544), საიდანაც ირკვევა, რომ კომპანიამ 2021 წლის 24 ივნისს განახორციელა დირექტორის ცვლილება, კერძოდ მარიამ კაციაშვილის ნაცვლად დირექტორად განისაზღვრა ნათია ელბაქიძე. შპს „ტელეკომპანია თბილისმა“ ზემოაღნიშნული ცვლილების თაობაზე ინფორმაცია კომისიაში წარმოადგინა დაგვიანებით, ხოლო განახლებული შესაბამისობის დეკლარაცია კომპანიას არ წარმოუდგენია. შესაბამისად დაარღვია „მაუწყებლობის შესახებ“ საქართველოს კანონის 62-ე მუხლის 1-ლი პუნქტი.

კომისია აქვე აღნიშნავს, რომ „ელექტრონულიი კომუნიკაციების შესახებ“ საქართველოს კანონის  შესაბამისად,  ზემოაღნისნული  ცვლილების  თაობაზე  ინფორმაციის  კანონით დადგენილ ვადაში წარმოდგენის ვალდებულება კომპანიას ასევე გააჩნია, როგორც ელექტრონული კომუნიკაციების სფეროში საქმიანობაზე ავტორიზებულ პირს.

  კომისია აღნიშნავს, რომ შპს „ტელეკომპანია თბილისისთვის“ ადმინისტრაციული პასუხისმგებლობის დაკისრების თაობაზე საკითხის განხილვა დაინიშნა 2021 წლის 26 აგვისტოს 15:00 საათზე, რის შესახებაც კომპანიას  ეცნობა წერილობითი შეტყობინებით (N გ-21-03/2434, 23/08/2021). ამავე შეტყობინებით, მას განემარტა საქართველოს ზოგადი ადმინისტრაციული კოდექსის 98-ე და 99-ე მუხლებით გათვალისწინებული მტკიცებულებებისა და შუამდგომლობების წარმოდგენის, ადმინისტრაციულ წარმოებაში არსებული დოკუმენტებისა და სხვა მასალების გაცნობის უფლება. შეტყობინებით, კომპანიას ასევე, ეცნობა, რომ  კომისია გადასულია დისტანციური მუშაობის რეჟიმზე და კომისიის სხდომაზე დისტანციურად დასწრების მიზნით, გაეგზავნებოდათ სპეციალური ბმული (ლინკი), კომისიისთვის ცნობილ და მათ მიერ დაფიქსირებულ ბოლო ელფოსტის ან/და მობილური ტელეფონის ნომერზე. შესაბამისად, შპს „აგრომედიას“   ეთხოვა, რომ შესაბამის ელექტრონულ პორტალზე (https://eforms.comcom.ge) უმოკლეს ვადაში განეახლებინა ან/და კომისიის ოფიციალურ ელ. ფოსტაზე (post@comcom.ge) გამოეგზავნათ მათი საკონტაქტო მონაცემები (ელფოსტა, მობილური ტელეფონის ნომერი), წინააღმდეგ შემთხვევაში, კომისია იხელმძღვანელებდა მის ხელთ არსებული ბოლო საკონტაქტო მონაცემებით, რომელზეც გაგზავნილი შეტყობინება ჩაითვლებოდა ოფიციალურად გაგზავნილად,     ყველა     თანმდევი     სამართლებრივი     შედეგით. ამასთანავე,  შპს ,,ტელეკომპანია თბილისს“ ეცნობა, რომ კომისიის შესაბამისი შეტყობინებები და გადაწყვეტილებები       გამოქვეყნდებოდა       კომისიის       ოფიციალურ       ვებგვერდზეც (www.comcom.ge).

კომისიის 2021 წლის 26 აგვიტოს სხდომაზე გამოცხადდა შპს „ტელეკომპანია თბილისის“ წარმომადგენელი მარიამ ბოჭორიშვილი, რომელმაც განაცხადა, რომ კომპანია აღიარებს დარღვევის ფაქტს და აღნიშნა, რომ შესაბამისობის დეკლარაციას წარმოადგენენ კომისიაში.

  I. გამოკვლეული მტკიცებულებები

 1.    კომისიის აპარატის სამართლებრივი დეპარტამენტის  მოხსენებითი ბარათი (N21-10-1508, 17/08/2021);

2.    მეწარმეთა და არასამეწარმეო (არაკომერციული) იურიდიული პირების რეესტრიდან (B19028363, 13/03/2019 და  B21063893, 24/06/2021) და კომისიის ავტორიზებულ პირთა უწყებრივი რეესტრიდან შპს „ტელეკომპანია თბილისის“ შესახებ მონაცემები;

3.    შპს  „ტელეკომპანია  თბილისისთვის“  გაგზავნილი  შეტყობინება  (N  გ-21-03/2434,23/08/2021) კომისიის 2021 წლის 26 აგვისტოს სხდომაზე მოწვევის თაობაზე.

4.    შპს  „ტელეკომპანია  თბილისის“  წარმომადგენლის  ახსნა-განმარტტება  მიცემული კომისიის 2021 წლის 26 აგვისტოს სხდომაზე.

  III.        დადგენილი  ფაქტობრივი გარემოებები

2.    შპს  „ტელეკომპანია  თბილისმა“  2021  წლის  24  ივნისს  განახორციელა  ცვლილება, კერძოდ მარიამ კაციაშვილის ნაცვლად დირექტორად განისაზღვრა ნათია ელბაქიძე (ამონაწერი საჯარო რეესტრიდან: B19028363, 13/03/2019 და B21063893, 24/06/2021). შპს „ტელეკომპანია  თბილისს“  ზემოაღნიშნული    ცვლილების    განხორციელებიდან „მაუწყებლობის შესახებ“ საქართველოს კანონით განსაზღვრულ 10 დღის ვადაში და „ელექტრონული კომუნიკაციების შესახებ“ საქართველოს კანონით განსაზღრულ 7 დღის ვადაში  კომისიაში არ წარმოუდგენია (კომისიისთვის აღნიშნული ცვლილების თაობაზე ცნობილი გახდა შპს „ტელეკომპანია თბილისის“ 2021 წლის 11 აგვისტოს წერლიდან  N21-6/3544),  ამასთან,  განახლებული  შესაბამისობის  დეკლარაცია კომპანიას არ წარმოუდგენია.

3.  შპს  „ტელეკომპანია თბილისის“ მიმართ ბოლო ერთი  წლის განმავლობაში იგივე/მსგავსი დარღვევისათვის „მაუწყებლობის შესახებ“ საქართველოს კანონით და

„ელექტრონული კომუნიკაციების შესახებ“  საქართელოს კანონით გათვალისწინებული პასუხისმგებლობის არცერთი სახე გამოყენებული არ ყოფილა.

  IV.  გადაწყვეტილების მიღების სამართლებრივი საფუძვლები და დასაბუთება

1.  ,,მაუწყებლობის შესახებ” საქართველოს კანონის მე-3 მუხლის პირველი პუნქტის შესაბამისად, მაუწყებლობის სფეროში კანონმდებლობას შეადგენს საქართველოს კონსტიტუცია,                  საქართველოს    საერთაშორისო    ხელშეკრულებები,    საქართველოს ორგანული კანონი „საქართველოს საარჩევნო კოდექსი“, ეს კანონი, „ეროვნული მარეგულირებელი ორგანოების შესახებ“ და „საავტორო და მომიჯნავე უფლებების შესახებ“    საქართველოს    კანონები,    სხვა    საკანონმდებლო    და    კანონქვემდებარე ნორმატიული აქტები;

2. ,,მაუწყებლობის შესახებ“ საქართველოს კანონის მე–5 მუხლის მე–3 პუნქტის ვ) ქვეპუნქტის შესაბამისად, კომისიის ფუნქციასა და ვალდებულებას წარმოადგენს მაუწყებლის მიერ მაუწყებლობის სფეროში მოქმედი კანონმდებლობის მოთხოვნების შესრულებაზე ზედამხედველობა და კონტროლი და ამ მოთხოვნათა დარღვევის შემთხვევაში მისთვის შესაბამისი სანქციების დაკისრება;

3.   „მაუწყებლობის   შესახებ“   საქართველოს   კანონის   451 მუხლის   მე-10   პუნქტის   ა) ქვეპუნქტის თანახმად,  ავტორიზებული პირი ვალდებულია დაიცვას მაუწყებლობის სფეროში მოქმედი კანონმდებლობა, მათ შორის, კომისიის დადგენილებები და გადაწყვეტილებები; მაუწყებლობის სფეროში მოქმედ კანონმდებლობაში ცვლილებების შეტანის შემთხვევაში უზრუნველყოს ავტორიზებული საქმიანობის მათთან შესაბამისობა;

4.  „მაუწყებლობის შესახებ“ საქართველოს კანონის 62-ე მუხლის პირველი პუნქტის თანახმად,  მაუწყებელი    ვალდებულია    კომისიას    წარუდგინოს    შესაბამისობის დეკლარაცია   მისი    წილის    მფლობელებისა    და    აქციონერების,    ხელმძღვანელი ორგანოების  წევრებისა   და   თანამდებობის   პირების   ცვლილების   შემთხვევაში, შესაბამისი ცვლილების განხორციელებიდან 10 დღის ვადაში. მაუწყებელი ასევე ვალდებულია აღნიშნული ინფორმაცია გამოაქვეყნოს საკუთარ ვებგვერდზე;

5.    „მაუწყებლობის  შესახებ“  საქართველოს  კანონის  71-ე  მუხლის  პირველი  პუნქტის შესაბამისად,    მაუწყებლის   მიერ   საქართველოს   კანონმდებლობის   დარღვევის   ან კომისიის გადაწყვეტილების        შეუსრულებლობის       შემთხვევაში,       აგრეთვე ლიცენზიის/ავტორიზაციის პირობების       დარღვევის       შემთხვევაში       კომისია ვალდებულია განიხილოს  შესაბამისი საკითხი. დარღვევის ფაქტის დადასტურების შემთხვევაში  კომისია   უფლებამოსილია  მაუწყებელი  წერილობით  გააფრთხილოს. კომისიის   მიერ   მაუწყებლის   მიმართ   სანქციის   გამოყენების   მიზანი   უნდა   იყოს დარღვევის აღმოფხვრა ან პრევენცია. კომისია მაუწყებელს განუსაზღვრავს გონივრულ ვადას      დარღვევის აღმოფხვრისთვის ან პრევენციისთვის ღონისძიებათა განსახორციელებლად. მაუწყებლის გაფრთხილების უფლებამოსილება არ ვრცელდება ამ  კანონის     561 და 562 მუხლებით     გათვალისწინებული     ვალდებულებების შეუსრულებლობის შემთხვევებზე.

6.  „ელექტრონული კომუნიკაციების შესახებ“ საქართველოს კანონის     მე-11 მუხლის პირველი  პუნქტის შესაბამისად, ელექტრონული  კომუნიკაციების   სფეროში კომისია დამოუკიდებლად        ახორციელებს    ავტორიზებული    პირების    საქმიანობისა    და ლიცენზიის ან/და ნებართვის     მფლობელების მიერ რადიოსიხშირული სპექტრით ან/და ნუმერაციის რესურსით სარგებლობის რეგულირებას, მათ შორის, ნორმატიული და ინდივიდუალური    სამართლებრივი    აქტების    მიღებას,    მათი    შესრულების მონიტორინგსა და კონტროლს, გამოვლენილი   დარღვევებისათვის   ამ   კანონით განსაზღვრული  უფლებამოსილებების ფარგლებში ამავე კანონითა და საქართველოს ადმინისტრაციულ    სამართალდარღვევათა    კოდექსით    დადგენილი    სანქციების დაკისრებას.

7.   „ელექტრონული კომუნიკაციების შესახებ“ საქართველოს კანონის მე-11 მუხლის მე-3 პუნქტის ზ) ქვეპუნქტის თანახმად, კომისია უფლებამოსილია ელექტრონული კომუნიკაციების         სფეროში   საქმიანობის   ავტორიზებისა   და   სალიცენზიო   ან/და სანებართვო პირობების დაცვაზე განახორციელოს ზედამხედველობა და მათი დარღვევისას გაატაროს კანონით გათვალისწინებული ღონისძიებები.

8. „ელექტრონული კომუნიკაციების შესახებ“ საქართველოს კანონის 43-ე მუხლის პირველი პუნქტის შესაბამისად, კომისია აკონტროლებს ავტორიზებულ პირთა მიერ ელექტრონული კომუნიკაციების სფეროში განხორციელებულ საქმიანობას, ასევე მათ მიერ ელექტრონული კომუნიკაციების სფეროში საქართველოს კანონმდებლობის, მათ შორის, კომისიის   დადგენილებებითა   და   გადაწყვეტილებებით   განსაზღვრული მოთხოვნებისა და ვალდებულებების   შესრულებას.    ამავე    კანონის    44-ე   მუხლის პირველი       პუნქტის   შესაბამისად,   ავტორიზებულ   პირთა   მიერ   ელექტრონული კომუნიკაციების სფეროში საქართველოს კანონმდებლობის,   მათ   შორის,   კომისიის დადგენილებებითა   და  გადაწყვეტილებებით  განსაზღვრული  მოთხოვნებისა  და ვალდებულებების შესრულების მონიტორინგს კომისია ახორციელებს მუდმივად და სისტემატურად.

10. „ელექტრონული კომუნიკაციების შესახებ“ საქართველოს კანონის მე-16 მუხლის მე-2 პუნქტის ბ) ქვეპუნქტის თანახმად, დეკლარაციაში მითითებული უნდა იყოს იურიდიული    პირისათვის   –   საფირმო   სახელწოდება,   სამართლებრივი   ფორმა, იურიდიული მისამართი    (ადგილსამყოფელი),    მეწარმეთა    და    არასამეწარმეო (არაკომერციული)  იურიდიული    პირების    რეესტრში    რეგისტრაციის    შესახებ მონაცემები, წარმომადგენლობაზე უფლებამოსილი პირის სახელი და გვარი;

11. „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის მ) ქვეპუნქტის თანახმად, ავტორიზებული პირი ივალდებულია ამ კანონის მე-

16 მუხლის მე-2 პუნქტის „ა“ და „ბ“ ქვეპუნქტებით გათვალისწინებული მონაცემების შეცვლის შემთხვევაში კომისიას წერილობით აცნობოს ამის შესახებ და ცვლილებების რეგისტრაციიდან 7 სამუშაო დღის ვადაში წარუდგინოს სათანადო დოკუმენტები;

12. „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის ბ) ქვეპუნქტის თანახმად, ავტორიზებული პირი ვალდებულია შეასრულოს ელექტრონული კომუნიკაციების სფეროში საქართველოს კანონმდებლობა, მათ შორის, საქართველოს მთავრობის დადგენილებები, აგრეთვე კომისიის დადგენილებები და გადაწყვეტილებები;

13. „ელექტრონული   კომუნიკაციების   შესახებ“   საქართველოს   კანონის   45-ე   მუხლის პირველი  პუნქტის    თანახმად,    ავტორიზებული    პირის    მიერ    ელექტრონული კომუნიკაციების  სფეროში საქართველოს კანონმდებლობის, მათ შორის, კომისიის დადგენილებებითა და გადაწყვეტილებებით განსაზღვრული მოთხოვნებისა და ვალდებულებების, დარღვევის ან/და ლიცენზიის მფლობელის მიერ სალიცენზიო პირობების დარღვევის  შემთხვევაში  კომისია     უფლებამოსილია     დამრღვევი წერილობით გააფრთხილოს, ხოლო კომისიის გადაწყვეტილებით დადგენილ ვადაში დენადი ხასიათის დარღვევის აღმოუფხვრელობის ან 1 წლის განმავლობაში ახალი ერთჯერადი ხასიათის დარღვევის ჩადენის შემთხვევაში – დააკისროს ჯარიმა, რომლის ოდენობაა        ავტორიზებული   პირის   ან/და   ლიცენზიის   მფლობელის   ბოლო   12 კალენდარული     თვის     შემოსავლის     (საქართველოს     საგადასახადო     კოდექსით განსაზღვრული  ერთობლივი  შემოსავალი  დღგ-ის  გარეშე)  0,5  პროცენტი,  მაგრამ არანაკლებ 3000 და არაუმეტეს 30000 ლარისა.

14. „საქართველოს კომუნიკაციების ეროვნული კომისიის საქმიანობის მარეგულირებელი წესების” მე-4 მუხლის პირველი პუნქტის ბ) ქვეპუნქტის შესაბამისად, კომისიაში ადმინისტრაციული  წარმოების    დაწყების    საფუძველია  კომისიისათვის კანონმდებლობით დაკისრებული ვალდებულება ან მინიჭებული უფლებამოსილება - გამოსცეს ადმინისტრაციული აქტი.

კომისიას მიაჩნია,    რომ    შპს „ტელეკომპანია თბილისის“ მიერ    ცვლილების განხორციელებიდან  დადგენილ ვადებში  ინფორმაციის      წარმოუდგენლობით დარღვეულია  „მაუწყებლობის   შესახებ“    საქართველოს   კანონის     451   მუხლის   მე-10 პუნქტის ა) ქვეპუნქტი, 62-ე მუხლის პირველი პუნქტი, „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის ბ) და მ) ქვეპუნქტები, რაც წარმოადგენს   „მაუწყებლობის   შესახებ“   საქართველოს   კანონის   71-ე   მუხლითა   და „ელექტრონული კომუნიკაციების შესახებ“ საქართველოს კანონის 45-ე მუხლის პირველი პუნქტის გათვალისწინებული პასუხისმგებლობის დაკისრების საფუძველს.

გამომდინარე იქიდან, რომ შპს „ტელეკომპანია თბილისის“ მიმართ  ბოლო ერთი წლის განმავლობაში „მაუწყებლობის შესახებ“   და „ელექტრონული კომუნიკაციების შესახებ“ საქართველოს კანონით გათვალისწინებული იგივე/მსგავსი ხასიათის დარღვევისათვის პასუხისმგებლობის არც ერთი სახე გამოყენებული არ ყოფილა, კომპანიას უნდა მიეცეს წერილობითი გაფრთხილება. ამასთან, კომპანიას უნდა დაევალოს განახლებული შესაბამისობის დეკლარაციის წარმოდგენა.

V. სარეზოლუციო ნაწილი

ზემოაღნიშნულიდან გამომდინარე, „მაუწყებლობის შესახებ“ საქართველოს კანონის მე-3 მუხლის პირველი პუნქტის, მე-5 მუხლის მე-3 პუნქტის ვ) ქვეპუნქტის, 451 მუხლის მე-10 პუნქტის  ა)  ქვეპუნქტის, 62-ე მუხლის პირველი პუნქტის,  71-ე მუხლის, „ელექტრონული კომუნიკაციების შესახებ“ საქართველოს კანონის მე-11 მუხლის პირველი პუნქტის, მე-3 პუნქტის ზ) ქვეპუნქტის, 43-ე მუხლის პირველის პუნქტი, 44-ე მუხლის პირველის პუნქტის, მე-16 მუხლის მე-2 პუნტის ბ) ქვეპუნქტის, მე-19 მუხლის მე-2 პუნქტის ბ) და მ) ქვეპუნქტების, 45-ე მუხლის პირველი პუქნტის,  საქართველოს ზოგადი ადმინისტრაციული კოდექსის 95-ე 98-ე და 99-ე მუხლებისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“  მე-4 მუხლის პირველის პუნქტის ბ) ქვეპუნქტის, 36-ე მუხლის მე-13 და მე-14 პუნქტების შესაბამისად, კომისიამ, კენჭისყრის შედეგად ერთხმად,

გადაწყვიტა:

1.    შპს „ტელეკომპანია თბილისს“ მიეცეს წერილობითი გაფრთხილება „მაუწყებლობის შესახებ“ საქართველოს კანონის  62-ე მუხლის პირველი პუნქტის, 451 მუხლის მე-10 პუნქტის ა) ქვეპუნქტის და „ელექტრონული კომუნიკაციაბის შესახებ“ საქართველოს კანონის  მე-19 მუხლის მე-2 პუნქტის ბ) და მ) ქვეპუნქტების დარღვევის გამო;

2.    უზრუნველყოს  შპს  „ტელეკომპანია  თბილისმა“  10  დღის  ვადაში  განახლებული შესაბამისობის დეკლარაციის წარმოდგენა;

3.    დაევალოს  კომისიის  აპარატის  ადმინისტრაციას  (ო.  ვოტ)   გადაწყვეტილების  შპს

„ტელეკომპანია თბილისისთვის“ დაუყოვნებლივ გაგზავნა და კომისიის ოფიციალურ ვებგვერდზე (www.comcom.ge) გამოქვეყნება;

4.    დაევალოს   კომისიის   აპარატის   სამართლებრივ   დეპარტამენტს   (თ.   გოშუა)   შპს

„ტელეკომპანია თბილისისთვის“ ადმინისტრაციული პასუხისმგებლობის დაკისრების თაობაზე მონაცემის კომისიის უწყებრივ რეესტრში შეტანა;

5.    გადაწყვეტილება  ძალაში  შედის  მისი   დამოწმებული   ასლის  შპს  „ტელეკომპნია თბილისისთვის“ ჩაბარების დღიდან;