შპს „ქართული-ტვ“-ს სამართალდამრღვევად ცნობისა და ადმინისტრაციული პასუხისმგებლობისაგან გათავისუფლების თაობაზე

შპს „ქართული-ტვ“-ს სამართალდამრღვევად ცნობისა და ადმინისტრაციული პასუხისმგებლობისაგან გათავისუფლების თაობაზე

I.  აღწერილობითი ნაწილი

საქართველოს კომუნიკაციების ეროვნული კომისიის (შემდგომში „კომისია“) აპარატის სამართლებრივი დეპარტამენტის  სამსახურებრივი ბარათის (N21-10-513, 16/03/2021) საფუძველზე, „საქართველოს კომუნიკაციების ეროვნული კომისიის საქმიანობის მარეგულირებელი წესების“ 36-ე მუხლის მე-14 პუნქტის შესაბამისად, კომისიაში დაიწყო მარტივი ადმინისტრაციული წარმოება შპს „ქართული-ტვ“-სთვის ადმინისტრაციული პასუხისმგებლობის დაკისრების თაობაზე, მის მიერ „მაუწყებლობის შესახებ“ საქართველოს კანონის 62-ე  მუხლის პირველი პუნქტის დარღვევის გამო.

კომისიის აპარატის სამართლებრივი დეპარტამენტის მოხსენებით ბარათის (N21-10-513, 16/03/2021) თანახმად, კომუნიკაციების ეროვნული კომისიის აპარატის სამართლებრივი დეპარტამენტის ავტორიზაციისა და ლიცენზირების ჯგუფის მიერ გამოვლინდა, რომ რამდენიმე მაუწყებლის, მათ შორის, შპს „ილიონის“ მიერ   დაირღვა „მაუწყებლობის შესახებ“ საქართველოს კანონის 62-ე მუხლის 1-ლი პუნქტის მოთხოვნები, რომლის თანახმად, მაუწყებელი ვალდებულია კომისიას წარუდგინოს შესაბამისობის დეკლარაცია მისი წილის მფლობელებისა და აქციონერების, ხელმძღვანელი ორგანოების წევრებისა და თანამდებობის პირების ცვლილების შემთხვევაში, შესაბამისი ცვლილების განხორციელებიდან   10  დღის ვადაში.  კერძოდ,  სამსახურებრივ  ბარათში  აღნიშნულია, რომ შპს   „ქართული-ტვ“-მ   (ს/კ412676199)   2020   წლის   31   დეკემბერს   განახორციელა დირექტორის ცვლილება კერძოდ, გუბაზ მეგრელიძის ნაცვლად დირექტორად განისაზღვრა მარინე იმედაძე; ასევე კომპანიამ განახორციელა იურიდიული მისამართის ცვლილება;  კომპანიამ  კომისიაში ინფორმაცია  წარმოადგინა  2021  წლის  3  თებერვალს წერილით (შ-21-6/487).

კომისია აღნიშნავს, რომ შპს „ქართული-ტვ“-სთვის ადმინისტრაციული პასუხისმგებლობის დაკისრების თაობაზე საკითხის განხილვა დაინიშნა 2020 წლის 25 მარტს, 15:00 საათზე, რის შესახებაც შპს „ქართულს-ტვ“-ს ეცნობა წერილობითი შეტყობინებით (Nგ-21-03/821, 22/03/2021). ამავე შეტყობინებით, მას განემარტა საქართველოს ზოგადი ადმინისტრაციული კოდექსის 98-ე და 99-ე მუხლებით გათვალისწინებული მტკიცებულებებისა და შუამდგომლობების წარმოდგენის, ადმინისტრაციულ წარმოებაში არსებული დოკუმენტებისა და სხვა მასალების გაცნობის უფლება. შეტყობინებით, კომპანიას     ასევე, ეცნობა, რომ ქვეყანაში შექმნილი მდგომარეობის გათვალისწინებით, კომისია გადავიდა დისტანციური მუშაობის რეჟიმზე და კომისიის სხდომაზე დისტანციურად დასწრების მიზნით, გაეგზავნებოდათ სპეციალური ბმული (ლინკი), კომისიისთვის ცნობილ და მათ მიერ დაფიქსირებულ ბოლო ელფოსტის ან/და მობილური ტელეფონის ნომერზე. შესაბამისად, კომპანიას ეთხოვა, რომ შესაბამის ელექტრონულ პორტალზე (https://eforms.comcom.ge) უმოკლეს ვადაში განეახლებინა ან/და კომისიის ოფიციალურ ელ. ფოსტაზე (post@comcom.ge) გამოეგზავნათ მათი საკონტაქტო მონაცემები (ელფოსტა, მობილური ტელეფონის ნომერი), წინააღმდეგ შემთხვევაში, კომისია იხელმძღვანელებდა მის ხელთ არსებული ბოლო საკონტაქტო მონაცემებით, რომელზეც გაგზავნილი შეტყობინება ჩაითვლებოდა ოფიციალურად გაგზავნილად, ყველა თანმდევი სამართლებრივი შედეგით. ამასთანავე, შპს „ქართულ-ტვ“- ს    ეცნობა,    რომ    კომისიის    შესაბამისი  შეტყობინებები და გადაწყვეტილებები გამოქვეყნდებოდა კომისიის ოფიციალურ ვებგვერდზეც (www.comocm.ge).

კომისიის 2021 წლის 25 მარტის სხდომას დაესწრო შპს „ქართული-ტვ“ წარმომადგენელი მ.იმედაძე.

II.   გამოკვლეული მტკიცებულებები

1. კომისიის აპარატის სამართლებრივი დეპარტამენტის  მოხსენებითი ბარათი (N21-10-513, 16/03/2021) თანდართული მასალით (შპს „ქართული-ტვ“-ს წერილი (კომისიაში რეგისტრაციის (შ-21-6/428,  01.02.2021);

2.    მეწარმეთა და არასამეწარმეო (არაკომერციული) იურიდიული პირების რეესტრიდან (B20108088, 31/12/2020; B20028043, 19/03/2020) და კომისიის ავტორიზებულ პირთა უწყებრივი რეესტრიდან შპს „ქართული-ტვ“-ს შესახებ მონაცემები;

3.    შპს   „ქართული-ტვ“-სთვის   გაგზავნილი   შეტყობინება   (Nგ-21-03/821,   22/03/2021) კომისიის 2021 წლის 25 მარტის სხდომაზე მოწვევის თაობაზე.

III.         დადგენილი  ფაქტობრივი გარემოებები

1. შპს  „ქართული-ტვ“  წარმოადგენს  მაუწყებლობის  სფეროში  ავტორიზებულ  პირს (ავტორიზაციის თარიღი: 12/11/2012);

2. შპს   „ქართული-ტვ“-მ   (ს/კ412676199)   2020   წლის   31   დეკემბერს   განახორციელა დირექტორის ცვლილება კერძოდ, გუბაზ მეგრელიძის ნაცვლად დირექტორად განისაზღვრა მარინე იმედაძე;    ასევე  კომპანიამ  განახორციელა  იურიდიული მისამართის ცვლილება; კომპანიამ კომისიაში ინფორმაცია წარმოადგინა 2021 წლის 3 თებერვალს  წერილით  (შ-21-6/487).  ცვლილების თაობაზე  ინფომრაცია  კომისიაში წარმოდგენილ იქნა კანონით განსაზღვრული 10 დღიანი ვადის დარღვევით.

3. შპს   „ქართული-ტვ“-ს   მიმართ   ბოლო ერთი  წლის განმავლობაში იგივე/მსგავსი დარღვევისათვის  „მაუწყებლობის  შესახებ“ საქართველოს კანონით გათვალისწინებული პასუხისმგებლობის არცერთი სახე გამოყენებული არ ყოფილა.

IV.   გადაწყვეტილების მიღების სამართლებრივი საფუძვლები და დასაბუთება

1.  ,,მაუწყებლობის შესახებ” საქართველოს კანონის მე-3 მუხლის პირველი პუნქტის შესაბამისად, მაუწყებლობის სფეროში კანონმდებლობას შეადგენს საქართველოს კონსტიტუცია, საქართველოს საერთაშორისო ხელშეკრულებები, საქართველოს ორგანული კანონი „საქართველოს საარჩევნო კოდექსი“, ეს კანონი, „ეროვნული მარეგულირებელი ორგანოების შესახებ“ და „საავტორო და მომიჯნავე უფლებების შესახებ“ საქართველოს    კანონები,    სხვა    საკანონმდებლო    და    კანონქვემდებარე ნორმატიული აქტები;

2. ,,მაუწყებლობის შესახებ“ საქართველოს კანონის მე–5 მუხლის მე–3 პუნქტის ვ) ქვეპუნქტის შესაბამისად, კომისიის ფუნქციასა და ვალდებულებას წარმოადგენს მაუწყებლის მიერ მაუწყებლობის სფეროში მოქმედი კანონმდებლობის მოთხოვნების შესრულებაზე ზედამხედველობა და კონტროლი და ამ მოთხოვნათა დარღვევის შემთხვევაში მისთვის შესაბამისი სანქციების დაკისრება;

3.  „მაუწყებლობის   შესახებ“   საქართველოს   კანონის   451 მუხლის   მე-10   პუნქტის   ა) ქვეპუნქტის თანახმად, ავტორიზებული პირი ვალდებულია დაიცვას მაუწყებლობის სფეროში მოქმედი კანონმდებლობა, მათ შორის, კომისიის დადგენილებები და გადაწყვეტილებები;  მაუწყებლობის სფეროში მოქმედ კანონმდებლობაში ცვლილებების შეტანის შემთხვევაში უზრუნველყოს ავტორიზებული საქმიანობის მათთან შესაბამისობა;

4. „მაუწყებლობის  შესახებ“  საქართველოს  კანონის  62-ე  მუხლის  პირველი  პუნქტის თანახმად, მაუწყებელი    ვალდებულია    კომისიას    წარუდგინოს     შესაბამისობის დეკლარაცია   მისი    წილის  მფლობელებისა    და    აქციონერების,    ხელმძღვანელი ორგანოების წევრებისა   და   თანამდებობის  პირების   ცვლილების    შემთხვევაში, შესაბამისი  ცვლილების  განხორციელებიდან  10  დღის ვადაში.  მაუწყებელი  ასევე ვალდებულია აღნიშნული ინფორმაცია გამოაქვეყნოს საკუთარ ვებგვერდზე;

5. „მაუწყებლობის  შესახებ“  საქართველოს  კანონის  71-ე  მუხლის  პირველი  პუნქტის შესაბამისად, მაუწყებლის მიერ საქართველოს   კანონმდებლობის   დარღვევის   ან კომისიის  გადაწყვეტილების  შეუსრულებლობის შემთხვევაში, აგრეთვე ლიცენზიის/ავტორიზაციის პირობების დარღვევის შემთხვევაში კომისია ვალდებულია განიხილოს შესაბამისი საკითხი. დარღვევის ფაქტის დადასტურების შემთხვევაში  კომისია   უფლებამოსილია  მაუწყებელი  წერილობით გააფრთხილოს. კომისიის   მიერ   მაუწყებლის   მიმართ   სანქციის   გამოყენების მიზანი უნდა იყოს დარღვევის აღმოფხვრა ან პრევენცია. კომისია მაუწყებელს განუსაზღვრავს გონივრულ ვადას დარღვევის აღმოფხვრისთვის ან პრევენციისთვის ღონისძიებათა განსახორციელებლად. მაუწყებლის გაფრთხილების უფლებამოსილება არ ვრცელდება ამ  კანონის 561 და  562 მუხლებით გათვალისწინებული ვალდებულებების შეუსრულებლობის შემთხვევებზე.

კომისიას    მიაჩნია,    რომ    შპს    „ქართული-ტვ“-ის    (ს/კ412676199)    მიერ    ცვლილების განხორციელებიდან   დადგენილ  ვადებში   ინფორმაციის    წარმოუდგენლობით დარღვეულია  „მაუწყებლობის   შესახებ“    საქართველოს   კანონის     451  მუხლის   მე-10 პუნქტის ა) ქვეპუნქტი, 62-ე მუხლის პირველი პუნქტი, რაც წარმოადგენს „მაუწყებლობის შესახებ“ საქართველოს კანონის 71-ე მუხლით გათვალისწინებული პასუხისმგებლობის დაკისრების საფუძველს.  გამომდინარე იქიდან, რომ შპს „ქართული-ტვ“-ს მიმართ  ბოლო ერთი წლის     განმავლობაში     „მაუწყებლობის     შესახებ“    საქართველოს კანონით გათვალისწინებული იგივე/მსგავსი ხასიათის დარღვევისათვის პასუხისმგებლობის არც ერთი სახე გამოყენებული არ ყოფილა, კომპანიას უნდა დაკისრებოდა წერილობითი გაფრთხილება, თუმცა იმის გათვალისწინებით, რომ კომისიის მიერ მაუწყებლის მიმართ სანქციის გამოყენების მიზანი უნდა იყოს დარღვევის აღმოფხვრა ან პრევენცია, ხოლო მოცემულ შემთხვევაში    ინფორმაცია    ცვილების    განხორციელების    თაობაზე    უკვე წარმოდგენილია, კომისიამ საკუთარი დისკრეციის ფარგლებში მიზანშეწონილად მიიჩნია სცნოს შპს „ქართული-ტვ“ სამართალდამრღვევად  და  გაათავისუფლოს პასუხისმგებლობისაგან.

V. სარეზოლუციო ნაწილი

ზემოაღნიშნულიდან გამომდინარე, „მაუწყებლობის შესახებ“ საქართველოს კანონის მე-3 მუხლის პირველი პუნქტის, მე-5 მუხლის მე-3 პუნქტის ვ) ქვეპუნქტის, 451 მუხლის მე-10 პუნქტის  ა)  ქვეპუნქტის, 62-ე მუხლის პირველი პუნქტის და 71-ე მუხლის,  საქართველოს ზოგადი ადმინისტრაციული კოდექსის 95-ე 98-ე და 99-ე მუხლებისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“  36-ე მუხლის მე-13 და მე-14 პუნქტების შესაბამისად, კომისიამ, კენჭისყრის შედეგად ერთხმად,

გადაწყვიტა:

1.    შპს „ქართული-ტვ“ ცნობილ იქნას სამართალდამრღვევად „მაუწყებლობის შესახებ“ საქართველოს კანონის 62-ე მუხლის პირველი პუნქტის და 451 მუხლის მე-10 პუნქტის ა) ქვეპუნქტის  დარღვევის გამო;

2.    შპს „ქართული-ტვ“ გათავისუფლდეს ადმინისტრაციული პასუხისმგებლობისაგან;

3.    დაევალოს  კომისიის  აპარატის  ადმინისტრაციას  (ო.  ვოტ)   გადაწყვეტილების  შპს „ქართული-ტვ“-სთვის დაუყოვნებლივ  გაგზავნა და  კომისიის ოფიციალურ ვებგვერდზე (www.gnccge) გამოქვეყნება;

4.    დაევალოს   კომისიის   აპარატის   სამართლებრივ   დეპარტამენტს   (თ.   გოშუა)   შპს „ქართული-ტვ“-ს სამართალდამრღვევად ცნობისა და ადმინისტრაციული პასუხისმგებლობისაგან გათავისუფლების თაობაზე მონაცემის კომისიის უწყებრივ რეესტრში შეტანა;

5.    გადაწყვეტილება  ძალაში  შედის  მისი   დამოწმებული   ასლის  შპს  „ქართული-ტვ“- სთვის ჩაბარების დღიდან;