5G ქსელისა  და მომსახურებების განვითარების ხელშეწყობის სტრატეგიის დამტკიცების შესახებ

2019 წლის 12 დეკემბერს გამართული სხდომის ფარგლებში საქართველოს კომუნიკაციების ეროვნული კომისიის მიერ ინიცირებული იყო საჯარო ადმინისტრაციული   წარმოება   „5G   ქსელისა    და   მომსახურებების განვითარების ხელშეწყობის სტრატეგიის“ დამტკიცების მიზნით.

აღნიშნული დოკუმენტის დამტკიცებით კომისია  მიზნად  ისახავს  2020  წლის პირველ ნახევარში უზრუნველყოს მობილური ფართოზოლოვანი მომსახურებისათვის განკუთვნილი სიხშირული რესურსის ხელმისაწვდომობა, რომელიც კომპანიებს საშუალებას მისცემს ქვეყანაში განავითარონ და დანერგონ    ახალი თაობის (5G) მომსახურებები.

აღნიშნული საკითხის განხილვას ესწრებოდნენ მობილური ოპერატორების წარმომადგენლებიც. მათი მხრიდან დოკუმენტის შინაარსზე შენიშვნები არ ყოფილა გამოთქმული.

„ელექტრონული კომუნიკაციების შესახებ“   საქართველოს   კანონის   მე-11   მუხლის და საქართველოს ზოგადი ადმინისტრაციული კოდექსის VI, VII და IX თავების შესაბამისად კომისიამ კენჭისყრის შედეგად ერთხმად

გადაწყვიტა:

1.   დამტკიცდეს „5G ქსელისა და მომსახურებების  განვითარების  ხელშეწყობის სტრატეგია“

2. დაევალოს კომისიის აპარატის ადმინისტრაციას (ო. ვოტ) გადაწყვეტილების კომისიის ოფიციალურ ვებ-გვერდზე  www.gncc.ge გამოქვეყნება;

3.   გადაწყვეტილება    ძალაში    შევიდეს    კომისიის    ოფიციალურ    ვებ-გვერდზე

www.gncc.ge  გამოქვეყნებისთანავე;

4.   გადაწყვეტილება შეიძლება გასაჩივრდეს ქ.  თბილისის საქალაქო სასამართლოს ადმინისტრაციულ    საქმეთა    კოლეგიაში    (მისამართი,   ქ.    თბილისი,    დავით აღმაშენებლის ხეივანი, მე-12 კმ., №6), ამ გადაწყვეტილების კომისიის ოფიციალურ ვებ-გვერდზე  www.gncc.ge  გამოქვეყნების დღიდან ერთი თვის ვადაში;