საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა კომისიის 2008 წლის 11 იანვრის N 02 სხდომაზე წარმოდგენილი დღის წესრიგის პროექტი,  საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-17 და მე-18 პუნქტების საფუძველზე

გადაწყვიტა:

1. . გადატანილ იქნეს N 02 სხდომის დღის წესრიგის პროექტის მე-3 საკითხის (ერთი მხრივ სს ”ეგრისის”, შპს ”ქართული სატელეფონო კომპანია GTC”-სა და მეორე მხრივ შპს ”აჭარის ელექტროკავშირს” შორის დავის განხილვისა და არსებითად გადაწყვეტის შესახებ) განხილვა მ/წლის 18 იანვრის სხდომის დღის წესრიგის პროექტში, ხოლო მე-2 (ერთი მხრივ სს ”ეგრისს” და მეორე მხრივ შპს ”კავკასუს ონლაინს” შორის დავის განხილვის შესახებ) და მე-4 (ერთი მხრივ შპს ”კავკასუს ონლაინსა” და მეორე მხრივ შპს ”ახალ ქსელებს”, შპს ”ახტელს” და  სს ”საქართველოს გაერთიანებულ სატელეკომუნიკაციო კომპანიას” შორის დავის განხილვის შესახებ)  საკითხების განხილვა მ/წლის 25 იანვრის სხდომის დღის წესრიგის პროექტში;

2. დამატებით შეტანილ იქნეს  N 02 სხდომის წარმოდგენილ დღის წესრიგის პროექტში 3 (სამი) საკითხი:

ა) შპს ”ბარვილ ბათუმისთვის” სიხშირეების მინიჭების შესახებ (მომხს. ს. შავგულიძე);

ბ) შპს ”ველისთვის” სიხშირის მინიჭების შესახებ (მომხს. ს. შავგულიძე);

გ) შპს ”ავტო-მოტორსი 2”-სთვის სიხშირეების მინიჭების შესახებ (მომხს. ს. შავგულიძე).

4.  დამტკიცდეს კომისიის 2008 წლის 11 იანვრის N 02 სხდომის დღის წესრიგი წარმოდგენილი სახით (თან ერთვის);

4.   გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი. ხარებავა).

კომისიის თავმჯდომარე                                              გ. არველაძე

კომისიის წევრი                                                         ზ. ნონიკაშვილი          

კომისიის წევრი                                                          გ. ფრუიძე