საქართველოს კომუნიკაციების ეროვნული კომისიის2005 წლის N 78 სხდომის დღის წესრიგის დამტკიცების შესახებ

         საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა 2005 წლის 9 დეკემბრის კომისიის N 78 სხდომაზე წარმოდგენილი დღის წესრიგის პროექტი, კომისიის აპარატის მუშაობის რეგლამენტის მე-4 მუხლის მე-17 და მე-18 პუნქტების საფუძველზე

გადაწყვიტა:

1. გადატანილ იქნეს კომისიის N 78 სხდომის დღის წესრიგის პროექტის მე-3 საკითხი (შპს “საქართველოს ტელეკომსა” და სს “საქართველოს გაერთიანებულ სატელეკომუნიკაციო კომპანიას” შორის არსებული დავის განხილვის შესახებ) მ/წლის 23 დეკემბრის კომისიის სხდომის დღის წესრიგის პროექტში;

2.წარმოდგენილ კომისიის N 78 სხდომის დღის წესრიგის პროექტში დამატებით შეტანილ იქნეს            2 (ორი) საკითხი:

ა) ინფორმაციის თავისუფლების შესახებ საქართველოს ზოგადი ადმინისტრაციული კოდექსის დებულებების შესრულების თაობაზე საქართველოს კომუნიკაციების ეროვნული კომისიის ანგარიშის განხილვის შესახებ (მომხს. ი. ხარებავა);

ბ) მომსახურების ბაზრის სეგმენტების - აბონენტის ადგილობრივი და საქალაქთაშორისო სატელეფონო კავშირით მომსახურების და ადგილობრივ სატელეფონო ქსელში ზარის წამოწყების/დასრულების მომსახურების კვლევისა და ანალიზის შესახებ ზეპირი მოსმენის ჩატარების თაობაზე (მომხს. ე. ასანიძე);

3.დამტკიცდეს კომისიის N 78  სხდომის დღის წესრიგი წარმოდგენილი სახით (თან ერთვის);

4.გადაწყვეტილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა  კოლეგიაში (ქ. თბილისი,  სარაჯიშვილის ქ. N1ა)  ერთი თვის ვადაში;

5.კონტროლი აღნიშნული გადაწყვეტილების შესრულებაზე დაევალოს კომისიის ადმინისტრაციას (ნ. კალანდაძე).

კომისიის თავმჯდომარის მოვალეობის შემსრულებელი     გ. ფრუიძე

კომისიის წევრები                                                                    დ. პატარაია

                                                                                                ზ. ნონიკაშვილი