საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა 2005 წლის 05 აგვისტოს N 52 სხდომაზე წარმოდგენილი დღის წესრიგის პროექტი, კომისიის აპარატის მუშაობის რეგლამენტის მე-4 მუხლის მე-17 და მე-18 პუნქტების საფუძველზე

გადაწყვიტა:

1.   გადატანილ იქნეს კომისიის N52 სხდომის დღის წესრიგის პროექტის მე-2 („ურთიერთჩართვის მომსახურების ზღვრული ტარიფების დამტკიცების თაობაზე“ საქართველოს კომუნიკაციების ეროვნული კომისიის 2005 წლის 6 ივნისის № 9 დადგენილებაში ცვლილებებისა და დამატებების შეტანის შესახებ) საკითხი მ/წლის 12 აგვისტოს კომისიის N53 სხდომის დღის წესრიგის პროექტში;

2.   წარმოდგენილ კომისიის N 52 სხდომის დღის წესრიგის პროექტში დამატებით შეტანილ იქნეს     5 (ხუთი) საკითხი:

ა) საქართველოს კომუნიკაციების ეროვნული კომისიის საშტატო განრიგში ცვლილებების შეტანის შესახებ (მომხს. ი. ლორია);

ბ) ინდივიდუალური მეწარმე ემზარ ზოიძისთვის ტელემაუწყებლობის ტრანზიტის ლიცენზიის გაცემის შესახებ (მომხს. ე. ასანიძე);

გ) შპს “მეგა ტვ”-სთვის სიხშირეების მინიჭების შესახებ (მომხს. ს. შავგულიძე);

დ) შპს “სტერეო +”-სთვის სიხშირეების მინიჭების შესახებ (მომხს. ს. შავგულიძე);

ე) საქართველოს კომუნიკაციების ეროვნული კომისიის “შრომის ანაზღაურების, პრემირებისა და ფინანსური რეზერვის ფონდების შექმნისა და გამოყენების წესის შესახებ” დებულებაში ცვლილებებისა და დამატებების შეტანის შესახებ (მომხს.გ. ბუთბაია);

3.  დამტკიცდეს კომისიის N 52  სხდომის დღის წესრიგი წარმოდგენილი სახით (თან ერთვის);

4. გადაწყვეტილება შეიძლება  გასაჩივრდეს თბილისის საქალაქო სასამართლოს ადმინისტრაციულ საქმეთა  კოლეგიაში (ქ. თბილისი,  სარაჯიშვილის ქ. N1ა)  ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის    ადმინისტრაციას (ნ. ჯანელიძე).

კომისიის თავმჯდომარე                                                დ. ქიტოშვილი