გადაწყვეტილება N 629 შპს „ქართულ-ბრიტანული ნავთობკომპანია – ნინოწმინდასთვის“ მაღალსიხშირული მოწყობილობების საქართველოში შემოტანაზე ნებართვის გაცემის შესახებ
გამოქვეყნების თარიღი ნოემბერი 19, 2004
მიღების თარიღი ნოემბერი 19, 2004
საქართველოს კომუნიკაციების ეროვნული კომისია (შემდგომში „კომისია") აღნიშნავს, რომ შპს ქართულ-ბრიტანულმა ნავთობკომპანია - ნინოწმინდამ„ (რეგისტრირებული ქ.თბილისის საბურთალოს რაიონის სასამართლოს 1998 წლის 23 თებერვლის N 5ა/4-1648 დადგენილებით) კომისიას მიმართა განცხადებით (N 7/433-04, 19.11.04.) წარმოდგენილი დოკუმენტაციის (N 1811/04, 22.11.04) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. მაღალსიხშირული მოწყობილობები (სტანდარტ„-ის ტიპის სატარებელი მიმღებ-გადამცემი რადიოსადგურები) გამოყენებული უნდა იყოს რადიოკახშირის ქსელში ფუნქციონირებისთვის.
„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ
გადაწყვიტა:
1.მიეცეს ნებართვა შპს ქართულ-ბრიტანულ ნავთობკომპანია - ნინოწმინდას„ შემოიტანოს საქართველოს ტერიტორიაზე თანდართული დოკუმენტაციით (N 1811/04, 22.11.04) გათვალისწინებული მაღალსიხშირული მოწყობილობები;
2.უზრუნველყოს შპს ქართულ-ბრიტანულმა ნავთობკომპანია - ნინოწმინდამ„ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;
3.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში (ა. დაბრუნდაშვილი);
4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;
5. კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის სამსახურს (ს. შავგულიძეს).კომისიის თავმჯდომარე დ. ქიტოშვილი