საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ სს „საქართველოს ელქტროკავშირმა„ კომისიას მიმართა განცხადებით (N 14-2/1/1/1-11; 02.09.04) წარმოდგენილი დოკუმენტაციის (N 84040023; 24.08.04) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. მაღალსიხშირული მოწყობილობები წარმოადგენს რადიოსარელეო ხაზების საბაზო სადგურებს.

         „კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1.მიეცეს ნებართვა სს „საქართველოს ელექტროკავშირს„ შემოიტანოს საქართველოს  ტერიტორიაზე თანდართული დოკუმენტაციით (N 84040023; 24.08.04)  გათვალისწინებული მაღალსიხშირული მოწყობილობები;

2.უზრუნველყოს სს „საქართველოს ელქტროკავშირმა„ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობის ექსპლოატაციაზე ნებართვის მისაღებად;

3.აღირიცხოს ინფორმაცია შემოტანილი მაღალსიხშირული მოწყობილობის შესახებ კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება  შეიძლება გასაჩივრდეს თბილისის საოლქო სასამართლოში (ქ.თბილისი,   რობაქიძის გამზ. 7ა)  6  თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს  (თ. ძაგნიძე).

  კომისიის  თავმჯდომარის

მოვალეობის შემსრულებელი                                                                                გ. ფრუიძე