კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ შ.პ.ს. „ჯი-ემ-პი”-მ (რეგისტრირებულია ქ. თბილისის საბურთალოს რაიონის სასამართლოს 1999 წლის 2 აპრილის N 5ა/4-2093 დადგენილებით) კომისიას მიმართა განცხადებით (N 01/03/03, 04.03.03) წარმოდგენილი ანგარიშფაქტურის (N B/02/002066, 16.12.0) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. მაღალსიხშირული მოწყობილობები (მობილური ტელეფონები) გამოიყენება ფიჭური კავშირგაბმულობის ქსელებში ფუნქციონირებისათვის. „კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1. მიეცეს ნებართვა შ.პ.ს. „ჯი-ემ-პი”-ს შემოიტანოს საქართველოს ტერიტორიაზე თანდართული ანგარიშფაქტურით (N B/02/002066, 16.12.0) გათვალისწინებული მაღალსიხშირული მოწყობილობები;

2. უზრუნველყოს შ.პ.ს. „ჯი-ემ-პი”-მ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობის გამოყენებაზე ნებართვის მისაღებად;

3. აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში;

4. გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე ვ.აბაშიძე