კონტაქტი

რუსეთის ფედერაციის დაღესტნის რესპუბლიკის ტერიტორიაზე მოქმედი სახმელეთო მოძრავი სამსახურის სადგურებისათვის მინიჭებული სამუშაო სიხშირეების გამოყენებაზე თანხმობის გაცემის შესახებ საქართველოს კომუნიკაციების ეროვნულმა კომისიამ (შემდგომში „კომისია”) განიხილა რუსეთის რადიოსიხშირეთა სახელმწიფო სამსახურის წერილი (№ UMS-50/0195, 04.02.03) თანდართული ტექნიკური მახასიათებლებით რუსეთის სახმელეთო მოძრავი სამსახურის სადგურებისათვის სამუშაო სიხშირეების გამოყენების შესახებ დასახლებულ პუნქტებში თლიარათა, ბეზთა და ცოლოდა. საბაზო სადგურები, რომელთა საშუალებით ხორციელდება რადიოკავშირი მოძრავ სადგურებთან, დაღესტნის რესპუბლიკის ტერიტორიაზეა განთავსებული, 300-340 მგჰც სიხშირულ დიაპაზონში ფუნქციონირებენ და მათი მოქმედების რადიუსი 30 კმ-ს წარმოადგენს.

წარმოდგენილი ტექნიკური მახასიათებლების შესაბამისად, რუსეთის სახმელეთო მოძრავი სამსახურის სადგურები არ ქმნიან ტელეკომუნიკაციების საერთაშორისო კავშირის ნორმებით გათვალისწინებულ მავნე ხელშეშლების მიუღებელ დონეებს საქართველოს ტერიტორიაზე მოქმედი სახმელეთო მოძრავი და ფიქსირებული და სამსახურების სადგურებისთვის.

„კავშირგაბმულობისა და ფოსტის შესახებ” საქართველოს კანონის მე-19 მუხლის მე-3 პუნქტის შესაბამისად, კომისიამ

გადაწყვიტა :

1. მიეცეს თანხმობა რუსეთის რადიოსიხშირეთა სახელმწიფო სამსახურს რუსეთის სახმელეთო მოძრავი სამსახურის სადგურებისათვის მინიჭებული სამუშაო სიხშირეების გამოყენებაზე (№ UMS-50/0195, 04.02.03 წერილის დანართში აღნიშნული ტექნიკური მახასიათებლებით);

2. შეტანილი იქნეს ინფორმაცია კოორდინაციაზე წარმოდგენილი სადგურების შესახებ შესაბამის მონაცემთა ბაზაში;

3. გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე ვ. აბაშიძე