კონტაქტი

რუსეთის ფედერაციის სახმელეთო მოძრავი სადგურებისათვის მინიჭებული სამუშაო სიხშირის გამოყენებაზე თანხმობის გაცემის შესახებ საქართველოს კომუნიკაციების ეროვნულმა კომისიამ (შემდგომში „კომისია”) განიხილა რუსეთის რადიოსიხშირეთა სახელმწიფო სამსახურის წერილი (№ UMS-50/2853, 16.12.02) თანდართული ტექნიკური მახასიათებლებით რუსეთის სახმელეთო მოძრავი სამსახურის სადგურებისათვის მინიჭებული 42.550 მგჰც სამუშაო სიხშირის გამოყენების შესახებ დასახლებულ პუნქტებში SOLOKH AUL და VERHBIY BZYCH. საბაზო სადგურები განთავსებულია კრასნოდარის მხარეში, საქართველო-რუსეთის საზღვრიდან 40 კმ-ის დაშორებით. მათი საშუალებით ხორციელდება რადიოკავშირი სახმელეთო მოძრავი სამსახურის სადგურებთან.

წარმოდგენილი ტექნიკური მახასიათებლების შესაბამისად, რუსეთის სახმელეთო მოძრავი სამსახურის სადგურები არ ქმნიან ტელეკომუნიკაციების საერთაშორისო კავშირის ნორმებით გათვალისწინებულ მავნე ხელშეშლების მიუღებელ დონეებს საქართველოს ტერიტორიაზე მოქმედი სახმელეთო მოძრავი, ფიქსირებული და სამაუწყებლო სამსახურების სადგურებისთვის.

„კავშირგაბმულობისა და ფოსტის შესახებ” საქართველოს კანონის მე-19 მუხლის მე-3 პუნქტის შესაბამისად, კომისიამ გადაწყვიტა:

1. მიეცეს თანხმობა რუსეთის რადიოსიხშირეთა სახელმწიფო სამსახურს რუსეთის სახმელეთო მოძრავი სამსახურის სადგურებისათვის მინიჭებული 42.550 მგჰც სამუშაო სიხშირის გამოყენებაზე (№ UMS- 50/2853, 16.12.02 წერილის დანართში აღნიშნული ტექნიკური მახასიათებლებით);

2. შეტანილი იქნეს ინფორმაცია კოორდინაციაზე წარმოდგენილი სადგურების შესახებ შესაბამის მონაცემთა ბაზაში;

3. გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე ვ. აბაშიძე