კონტაქტი

რუსეთის ფედერაციის კრასნოდარის მხარის ტერიტორიაზე არსებული სატელევიზიო სადგურისათვის მინიჭებული სიხშირული არხის გამოყენებაზე თანხმობის გაცემის შესახებ საქართველოს კომუნიკაციების ეროვნულმა კომისიამ (შემდგომში „კომისია”) განიხილა რუსეთის რადიოსიხშირეთა სახელმწიფო სამსახურის წერილი (№ UMS-50/2670, 28.11.02) თანდართული ტექნიკური მახასიათებლებით რუსეთის სატელევიზიო სამაუწყებლო სადგურისათვის ARMAVIR-1, 8 TBK მინიჭებული სიხშირული არხის გამოყენების შესახებ. აღნიშნული სატელევიზიო სამაუწყებლო სადგურის საშუალებით ქ.არმავირში ტელეპროგრამების გავრცელება ხორციელდება.

წარმოდგენილი ტექნიკური მახასიათებლების შესაბამისად, რუსეთის ფედერაციის რადიოგადამცემი საშუალება არ ქმნის ტელეკომუნიკაციების საერთაშორისო კავშირის ნორმებით გათვალისწინებულ მავნე ხელშეშლების მიუღებელ დონეებს საქართველოს ტერიტორიაზე მოქმედი და დაგეგმილი სატელევიზიო სადგურებისთვის.

„კავშირგაბმულობისა და ფოსტის შესახებ” საქართველოს კანონის მე-19 მუხლის მე-3 პუნქტის შესაბამისად, კომისიამ

გადაწყვიტა:

1. მიეცეს თანხმობა რუსეთის რადიოსიხშირეთა სახელმწიფო სამსახურს რუსეთის სატელევიზიო სადგურისათვის ARMAVIR-1 KRAS 8 TBK (ADD) მინიჭებული სიხშირული არხის გამოყენებაზე (2002 წლის 28 ნოემბრის № UMS-50/2670, 28.11.02 წერილის დანართში აღნიშნული ტექნიკური მახასიათებლებით);

2. შეტანილი იქნეს ინფორმაცია კოორდინაციაზე წარმოდგენილი სადგურების შესახებ შესაბამის მონაცემთა ბაზაში;

3. გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე ვ. აბაშიძე