გადაწყვეტილება N 53 შპს “ კომპანია საქართველოს სატრანსპორტო ხაზები ”- სათვის საფოსტო კავშირით მომსახურებაზე ლიცენზიის გაცემის შესახებ

საქართველოს კომუნიკაციების ეროვნული კომისია (შემდგომში „კომისია„) აღნიშნავს, რომ შპს „კომპანია საქართველოს სატრანსპორტო ხაზებმა„ კომისიას მიმართა განცხადებით (#1/01 10.01.2003), საფოსტო კავშირით მომსახურებაზე ლიცენზიის მისაღებად.

კომისია აგრეთვე აღნიშნავს, რომ ა.წ. 6 თებერვალს შედგა საკითხის ზეპირი მოსმენა (ზეპირი მოსმენის სხდომის ოქმი # 7), სადაც აღინიშნა, რომ კომპანიას ლიცენზიის მისაღებად „კავშირგაბმულობისა და ფოსტის შესახებ„ საქართველოს კანონის 361 მუხლით მოთხოვნილი დოკუმენტაცია სრულად აქვს წარმოდგენილი.

„კავშირგაბმულობისა და ფოსტის შესახებ” საქართველოს კანონის 34-ე მუხლის 1 პუნქტისა  და 36-ე მუხლის 2 პუნქტის „ბ.ა)„ ქვეპუნქტის საფუძველზე, კომისიამ

გადაწყვიტა:

1.      მიეცეს ლიცენზია შპს „კომპანია საქართველოს სატრანსპორტო ხაზებს” საფოსტო კავშირით მომსახურებაზე (თან ერთვის):

2.      ლიცენზიის სახე:         საფოსტო კავშირით მომსახურება;

ლიცენზიის სახეობა: ადგილობრივი და საერთაშორისო საფოსტო გზავნილების მიღებით, გაგზავნით, გადაზიდვით და დატარებით მომსახურება;

3.      შეტანილ იქნეს სათანადო მონაცემები კომისიის სალიცენზიო რეესტრში;

5.      დაევალოს კომისიის აპარატის იურიდიულ სამსახურს „კავშირგაბმულობისა და ფოსტის შესახებ” საქართველოს კანონის 35-ე მუხლის 1 პუნქტით გათვალისწინებული მონაცემების სახელმწიფო სალიცენზიო რეესტრში გატარება;

კომისიის თავმჯდომარე                               ვ. აბაშიძე