კონტაქტი

საქართველოს კომუნიკაციების ეროვნული კომისია (შემდგომში კომისია„) აღნიშნავს, რომ ინდივიდუალურმა საწარმომ „გიორგი პოშნიახოვი-ტრანსჯორჯიამ„ კომისიას მიმართა განცხადებით (N7 13.08.2003) საფოსტო კავშირით მომსახურებაზე ლიცენზიის მისაღებად.

კომისია აღნიშნავს, რომ ინდივიდუალური საწარმო „გიორგი პოშნიახოვი-ტრანსჯორჯია„ რეგისტრირებულია ქ. ბორჯომის რაიონულ სასამართლოში 2001 წლის 26 იანვარს (რეგისტრაციის N24/1-410), ახორციელებს მგზავრების გადაყვანას საბერძნეთის მიმართულებით და გააჩნია საერთაშორისო მიმოსვლის ორგანიზებული გადამზიდველის„ მომსახურების სერთიფიკატი.

2003 წლის 12 სექტემბერს მოხდა საკითხის ზეპირი მოსმენა, სადაც აღინიშნა, რომ ინდივიდუალური საწარმო „გიორგი პოშნიახოვი-ტრანსჯორჯიას„ მიერ ლიცენზიის მისაღებად წარმოდგენილი დოკუმენტაცია შესაბამისობაშია მოქმედ კანონმდებლობასთან და ლიცენზირებადი საქმიანობის პირობებთან.

„კავშირგაბმულობისა და ფოსტის შესახებ” საქართველოს კანონის 34-ე მუხლის 1 პუნქტისა და 36-ე მუხლის 2 პუნქტის ბ.ა.„ ქვეპუნქტის საფუძველზე, კომისიამ

გადაწყვიტა:

1. მიეცეს N 1368 ლიცენზია ინდივიდუალური საწარმო „გიორგი პოშნიახოვი-ტრანსჯორჯიას„ საფოსტო კავშირით მომსახურებაზე (თან ერთვის):

ლიცენზიის სახე: საფოსტო კავშირით მომსახურება;

ლიცენზიის სახეობა: ადგილობრივი და საერთაშორისო საფოსტო გზავნილების მიღებით, გაგზავნით, გადაზიდვით და დატარებით მომსახურება;

2. შეტანილ იქნეს სათანადო მონაცემები კომისიის სალიცენზიო რეესტრში (ე. ასანიძე);

3. ინდივიდუალური საწარმო „გიორგი პოშნიახოვი-ტრანსჯორჯიამ„ უზრუნველყოს, საჭიროების შემთხვევაში, ლიცენზიით ნებადართული საქმიანობისათვის მოქმედი კანონმდებლობით გათვალისწინებული ნებართვების მიღება;

4. ლიცენზიის განსაკუთრებული პირობები აისახება კომისიის N452/1 გადაწყვეტილების საფუძველზე გაცემულ ლიცენზიაში;

5. დაევალოს კომისიის აპარატის იურიდიულ სამსახურს (ე. ასანიძე) „სამეწარმეო საქმიანობის ლიცენზიისა და ნებართის გაცემის საფუძვლების შესახებ” საქართველოს კანონის 34-ე მუხლის მე-3 და მე-8 პუნქტებით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის მოქმედების ვადის გაგრძელების თაობაზე ინფორმაციის „საქართველოს საკანონმდებლო მაცნეში” გამოქვეყნება;

6. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

7. კონტროლი აღნიშნული გადაწყვეტილების შესრულებაზე დაევალოს ტექნიკურ სამსახურს /დ. ქუთათელაძე/.

კომისიის თავმჯდომარე ვ. აბაშიძე