კონტაქტი

საქართველოს კომუნიკაციების ეროვნული კომისია (შემდგომში კომისია) აღნიშნავს, რომ „სიმენსის” წარმომადგენლობამ საქართველოში კომისიას მიმართა თხოვნით (წერილი 27.01.03) საკუთარი მოხმარების მაღალხარისხოვანი ინტერნეტ კავშირისათვის თანდართულ ანგარიშფაქტურით ( N2739, 22.01.03) გათვალისწინებულ სადგურ (Web-Sat)-ის მიმღებგადამცემი მოწყობილობის სქართველოში შემოტანის ნებართვის მიღების თაობაზე.

აღნიშნული სისტემა ფუნქციონირებს თანამგზავრულ ქსელში გამოყენებულ სიხშირულ დიაპაზონში და სამუშაო სიხშირის დაგეგმვას და მინიჭებას არ საჭიროებს.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1. მიეცეს ნებართვა სიმენსის (Siemens) წარმომადგენლობას საქართველოში საინფორმაციო საკომუნიკაციო ქსელების პროექტის ფარგლებში შემოიტანოს საქართველოს ტერიტორიაზე თანდართული ანგარიშფაქტურით (N 2739, 22.01.02) გათვალისწინებული მაღალსიხშირული მოწყობილობა;

2. უზრუნველყოს სიმენსის (Siemens) წარმომადგენლობამ საქართველოში ქვეყნის ტერიტორიაზე აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

3. გადაწყვეტილება შეიძლება გასაჩივრდეს თბილისის საოლქო სასამართლოში

(ქ.თბილისი, რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე ვ. აბაშიძე