კონტაქტი

საქართველოს კომუნიკაციების ეროვნული კომისია (შემდეგში კომისია) აღნიშნავს, რომ შპს „ტელერადიოკომპანია გურჯაანმა” (რეგისტრირებული გურჯაანის რაიონის გამგეობის მიერ1993 წლის 13 მაისის N 175 განკარგულებით) კომისიას მიმართა განცხადებით (N 12, 07.08.03.) რადიოსარელეო სიხშირეების მინიჭების თაობაზე. შპს „ტელერადიოკომპანია გურჯაანი” , N 1084 ლიცენზიის (მოქმედების ვადა 20.07.2004.) პირობების შესაბამისად, აწარმოებს ტელეპროგრამების ტრანსლირებას ქ. გურჯაანსა და გურჯაანის რაიონის ტერიტორიაზე მე-11 სატელევიზიო არხზე, 100 ვტ სიმძლავრის გადამცემის გამოყენებით. რადიოსარელეო სიხშირეები განსაზღვრულია N 1084 ლიცენზიის პირობების შესაბამისად გამოყოფილი ლიცენზირებული მე-11 სატელევიზიო არხის სიგნალის სამაუწყებლო დონის გასაუმჯობესებლად ს.კაჭრეთისა და მიმდებარე სოფლების ტერიტორიაზე და გამოყენებული უნდა იყოს შიდასაწარმოო და ტექნოლოგიური დანიშნულებით, არაკომერციული მიზნით.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის შესაბამისად, კომისიამ

გადაწყვიტა:

1. მიენიჭოს შპს „ტელერადიოკომპანია გურჯაანს” 2350 და 2430 მგჰც სიხშირეები ქ.გურჯაანსა და ს. კაჭრეთის მიმდებარე ტერიტორიაზე რადიოსარელეო ხაზის ფუნქციონირებისთვის შიდასაწარმოო და ტექნოლოგიური დანიშნულებით, არაკომერციული მიზნით;

2. აღირიცხოს შპს”ტელერადიოკომპანია გურჯაანი”-სათვის მინიჭებული სიხშირეები კომისიის შესაბამის ნებართვების უწყებრივ რეესტრში;

3. უზრუნველყოს შპს „ტელერადიოკომპანია გურჯაანმა” კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

4. კანონმდებლობის ცვლილების შემთხვევაში შპს „ტელერადიოკომპანია გურჯაანისთვის” სიხშირეების მინიჭების საკითხი შესაბამისობაში იქნეს მოყვანილი კანონმდებლობასთან;

5. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

6. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე ვ. აბაშიძე