კონტაქტი

საქართველოს კომუნიკაციების ეროვნული კომისია (შემდგომში კომისია) აღნიშნავს, რომ კომისიას განცხადებით მიმართა შპს „ეკომმა” (რეგისტრირებულია ლაგოდეხის რაიონის სასამართლოს 1997 წლის 19 სექტემბრის N39-4/12 დადგენილებით) კომპანიის ლიცენზიის მოქმედების ვადის გაგრძელებისა და მოდიფიცირების თაობაზე.

კომისია აღნიშნავს, რომ ყოფილი საქართველოს კავშირგაბმულობისა და ფოსტის სამინისტროს მიერ შპს „ეკომი”-ს სახელზე გაცემული იყო ლიცენზია N732, რომელიც ითვალისწინებდა ტელემაუწყებლობის ორგანიზებას ქ.ლაგოდეხში მე-9 არხზე 10 ვტ-იანი სიმძლავრის გადამცემის გამოყენებით.

„კავშირგაბმულობისა და ფოსტის შესახებ” საქართველოს კანონის 36-ე მუხლის პირველი და მე-5 პუნქტების, 391 და 453 მუხლების, „კოდის გამოყენებით საერთაშორისო სატელეფონო კავშირით მომსახურებაზე და სიხშირული სპექტრის გამოყენებით საქმიანობაზე სალიცენზიო გადასახდელის საწყისი ოდენობის განსაზღვრისა და სალიცენზიო გადასახდელის გადახდის წესის შესახებ” დებულების მე-6 მუხლის პირველი პუნქტის საფუძველზე, კომისიამ

გადაწყვიტა:

1. განისაზღვროს შპს „ეკომი”-ს სალიცენზიო გადასახდელის საწყისი ოდენობა 1980.45 (ათას ცხრაას ოთხმოცი) ლარით;

2. სალიცენზიო გადასახდელის საწყისი ოდენობის 20%-ის (396.09 ლარი) გადახდა მოხდეს კომისიის ანგარიშზე - სკბ „TBS-ბანკი”, კოდი 220101830, ა/ა 609326;

3. სალიცენზიო გადასახდელის საწყისი ოდენობის 10%-ის (198.04 ლარი) გადახდა მოხდეს საქართველოს ფინანსთა სამინისტროს ხაზინაში გახსნილ სპეციალურ ანგარიშზე - საქართველოს ეროვნული ბანკი, კოდი 220101107, სახაზინო სამსახურის საოპერაციო დეპარტამენტის სპეციალური ანგარიში N000141107, კოდი 8001 (სალიცენზიო გადასახდელის კოდი);

4. უზრუნველყოს შპს „ეკომმა” სალიცენზიო გადასახდელის საწყისი ოდენობის 20%-ისა და სალიცენზიო გადასახდელის საწყისი ოდენობის 10%-ის გადახდის დამადასტურებელი დოკუმენტების კომისიისათვის წარმოდგენა 15 სამუშაო დღის ვადაში;

5. გადაწყვეტილება შეიძლება გასაჩივრდეს ქ.თბილისის საოლქო სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის ეკონომიკურ (გ.ბუთბაია) სამსახურს.

კომისიის თავმჯდომარე: ვ.აბაშიძე