გადაწყვეტილება N 35 შ . პ . ს . “ იბერიატელი ”- სათვის ნუმერაციის რესურსის გამოყენებაზე ნებართვის გაცემის შესახებ

გამოქვეყნების თარიღი იანვარი 24, 2003

მიღების თარიღი იანვარი 24, 2003

შ.პ.ს. „იბერიატელი”-სათვის ნუმერაციის რესურსის გამოყენებაზე ნებართვის გაცემის შესახებ

კომისია აღნიშნავს, რომ შპს იბერიატელმა„ კომისიას მიმართა განცხადებით (#76,04.12.2002), მისთვის ნუმერაციის რესურსის გამოყოფის შესახებ.

შპს იბერიატელი„ ფლობს N 991 ლიცენზიას მოძრავი და ფიქსირებული სატელეფონო კავშირებით მომსახურებაზე.

კომისია აგრეთვე აღნიშნავს, რომ ქვეყანაში ნუმერაციის ახალ სისტემაზე გადასვლამდე, კომპანიას, მოძრავ და ფიქსირებულ სატელეფონო ქსელში შეხწევადობისათვის შესაძლებელია გამოეყოს თავისუფალი ნუმერაციის რესურსი 8-90, რომელიც არ წარმოადგენს საერთაშორისო სატელეფონო კავშირებით მომსახურების კოდს და შესაბამისად არ გაიცემა კონკურსის წესით.

„კავშირგაბმულობისა და ფოსტის შესახებ” საქართველოს კანონის 49-ე მუხლის თანახმად, კომისიამ

გადაწყვიტა:

1. მიეცეს ნებართვა შპს „იბერიატელს” მოძრავი და ფიქსირებული სატელეფონო კავშირებით მომსახურების განსახორციელებლად N 991 ლიცენზიის მოქმედების ვადით ისარგებლოს ნუმერაციის რესურსით 8-90 (რვა-ცხრა-ნული):

2. ლიცენზიის მფლობელის მიერ ერთი წლის განმავლობაში კოდის გამოუყენებლობის შემთხვევაში კომისიამ განიხილოს საკითხი ნუმერაციის რესურსით სარგებლობის მიზანშეწონილობის შესახებ;

3. კავშირგაბმულობის სფეროში კანონმდებლობის შეცვლის შემთხვევაში, შპს „იბერიატელი” ვალდებულია, ნუმერაციის რესურსის გამოყენების საკითხი მოიყვანოს ნორმატიულ ბაზასთან შესაბამისობაში.

4. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ. თბილისი რობაქიძის გამზ. 7ა) 6 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს ტექნიკურ სამსახურს (მ. გოთოშია).

კომისიის თავმჯდომარე ვ. აბაშიძე