კონტაქტი

საქართველოს კომუნიკაციების ეროვნული კომისიიის 2003 წლის 6 ივნისის N N265/9 გადაწყვეტილებაში ცვლილების შეტანის თაობაზე საქართველოს კომუნიკაციების ეროვნული კომისიის მიერ 2003 წლის 6 ივნისს მიღებული იქნა N265/9 გადაწყვეტილება „შპს „სისტემა გამას” N 538 ლიცენზიის მოქმედების ვადის გასაგრძელებლად სალიცენზიო გადასახდელის საწყისი ოდენობისა და გადახდის წესის განსაზღვრის შესახებ”. აღნიშნულ გადაწყვეტილებაში დაშვებულია შეცდომა, კერძოდ სალიცენზიო გადასხდელის ოდენობა გაანგარიშებულია მხოლოდ ერთი რადიო სიხშირის მიხედვით, მაშინ როდესაც N 538 ლიცენზია ითვალისწინებს ორი სიხშირით რადიომაუწყებლობას.

„კავშირგაბმულობისა და ფოსტის შესახებ” საქართველოს კანონის 36-ე მუხლის პირველი და მე-5 პუნქტების, „კოდის გამოყენებით საერთაშორისო სატელეფონო კავშირით მომსახურებაზე და სიხშირული სპექტრის გამოყენებით საქმიანობაზე სალიცენზიო გადასახდელის საწყისი ოდენობის განსაზღვრისა და სალიცენზიო გადასახდელის გადახდის წესის შესახებ” დებულების მე-6 მუხლის პირველი პუნქტის საფუძველზე, კომისიამ

გადაწყვიტა:

1. საქართველოს კომუნიკაციების ეროვნული კომისიის 2003 წლის 6 ივნისის N265/9 გადაწყვეტილების პირველი-მესამე პუნქტები ჩამოყალიბდეს შემდეგი რედაქციით:

„ 1. განისაზღვროს შპს „სისტემა გამას” N 538 ლიცენზიის სალიცენზიო გადასახდელის საწყისი ოდენობა 16 524 (თექვსმეტი ათას ხუთას ოცდაოთხი) ლარით;

2. სალიცენზიო გადასახდელის საწყისი ოდენობის 20%-ის (3 304,80 ლარი) გადახდა მოხდეს შემდეგი რეკვიზიტების მიხედვით:

მიმღები	საქართველოს კომუნიკაციების ეროვნული კომისია
დანიშნულება	სალიცენზიო გადასახდელი
ბანკი	სკბ „TBC-ბანკი”
კოდი	220101830
ანგარიშის N	609326

3. სალიცენზიო გადასახდელის საწყისი ოდენობის 10%-ის (1652,40 ლარი) გადახდა მოხდეს შემდეგი რეკვიზიტების მიხედვით:

მიმღები	სახაზინო სამსახურის საოპერაციო დეპარტამენტის კავშირი, კავშირგაბმულობის სალიცენზიო მოსაკრებელი
საიდენტიფიკაციო N	204953050
ბანკი	საქართველოს ეროვნული ბანკი
კოდი	220101107
ანგარიშის N	000141107
სახაზინო ქვეანგარიში	9051
დანიშნულება	სალიცენზიო გადასახდელი