გადაწყვეტილება N 299 შპს ტელეკომპანია “აისი”-ს N 930 ლიცენზიის მოქმედების ვადის გასაგრძელებლად სალიცენზიო გადასახდელის საწყისი ოდენობისა და გადახდის წესის განსაზღვრის შესახებ

საქართველოს კომუნიკაციების ეროვნული კომისია (შემდგომში კომისია) აღნიშნავს, რომ კომისიას განცხადებით მიმართა შპს ტელეკომპანია „აისმა”  კომპანიის N 930 ლიცენზიის მოქმედების ვადის გაგრძელების თაობაზე.

კომისია აღნიშნავს, რომ ყოფილი საქართველოს კავშირგაბმულობისა და ფოსტის სამინისტროს მიერ შპს ტელეკომპანია „აისის” სახელზე გაცემული იყო ლიცენზია – N 930, რომელიც ითვალისწინებდა ტელემაუწყებლობას (287,25-293,75 მგჰც) სატელევიზიო არხზე 20 ვტ-ის სიმძლავრის გადამცემის გამოყენებით (ქ. თბილისი, ლილოს დასახლება).

შპს ტელეკომპანია „აისმა”  კომისიის N55, 29.12.2000 წ. გადაწყვეტილებით „კავშირგაბმულობისა და ფოსტის შესახებ” საქართველოს კანონის 54-ე მუხლისა და "კავშირგაბმულობისა და ფოსტის სფეროში საქმიანობის ლიცენზიის მფლობელთა ხელახალი რეგისტრაციის წესისა და პირობების შესახებ" დადგენილების მე-2 მუხლის შესაბამისად გაიარა ხელახალი რეგისტრაცია კომისიაში და მისი მონაცემები შეტანილია კომისიის უწყებრივ სალიცენზიო რეესტრში.

კომისია აგრეთვე აღნიშნავს, რომ კომპანიის მიერ განხორციელებული საქმიანობა შეესაბამება მოქმედ კანონმდებლობას.

„კავშირგაბმულობისა და ფოსტის შესახებ” საქართველოს კანონის 36-ე მუხლის პირველი და მე-5 პუნქტების, „კოდის გამოყენებით საერთაშორისო სატელეფონო კავშირით მომსახურებაზე და სიხშირული სპექტრის გამოყენებით საქმიანობაზე სალიცენზიო გადასახდელის საწყისი ოდენობის განსაზღვრისა და სალიცენზიო გადასახდელის გადახდის წესის შესახებ” დებულების მე-6 მუხლის პირველი პუნქტის საფუძველზე, კომისიამ

გადაწყვიტა:

1. განისაზღვროს შპს ტელეკომპანია „აისის” N 930 ლიცენზიის სალიცენზიო გადასახდელის საწყისი ოდენობა 18 484,20 (თვრამეტი ათას ოთხას ოთხმოცდაოთხი) ლარით.

2. სალიცენზიო გადასახდელის საწყისი ოდენობის 20%-ის (3696,84 ლარი) გადახდა მოხდეს შემდეგი რეკვიზიტების მიხედვით:

3. სალიცენზიო გადასახდელის საწყისი ოდენობის 10%-ის (1848,66 ლარი) გადახდა მოხდეს შემდეგი რეკვიზიტების მიხედვით:

4. უზრუნველყოს შპს ტელეკომპანია „აისმა”  სალიცენზიო გადასახდელის საწყისი ოდენობის 20%-ისა და სალიცენზიო გადასახდელის საწყისი ოდენობის 10%-ის გადახდის დამადასტურებელი დოკუმენტების კომისიისათვის წარმოდგენა ერთი თვის ვადაში;

5. უზრუნველყოს შპს ტელეკომპანია „აისმა”  სალიცენზიო მოსაკრებლის (1000 ლარი) გადახდის დამადასტურებელი დოკუმენტების კომისიისათვის წარმოდგენა ერთი თვის ვადაში;

6. გადაწყვეტილება შეიძლება გასაჩივრდეს ქ.თბილისის საოლქო სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

7. კონტროლი აღნიშნული გადაწყვეტილების შესრულებაზე დაევალოს კომისიის აპარატის იურიდიულ სამსახურს (ე.ასანიძე).

კომისიის თავმჯდომარე:                                          ვ.აბაშიძე