კონტაქტი

საქართველოს კომუნიკაციების ეროვნული კომისია (შემდგომში კომისია) აღნიშნავს, რომ კომისიას განცხადებით მიმართა შპს „მეგა TV”-იმ კომპანიის N 213 ლიცენზიის მოქმედების ვადის გაგრძელების თაობაზე.

კომისია აღნიშნავს, რომ ყოფილი საქართველოს კავშირგაბმულობისა და ფოსტის სამინისტროს მიერ შპს „მეგა TV”-ის სახელზე გაცემული იყო ლიცენზია N 213, რომელიც ითვალისწინებდა სატელევიზიო მაუწყებლობას მე-2 სატელევიზიო მეტრულ არხზე ქ.ხონში და მიმდებარე რაიონებში, 10 ვტ სიმძალვრის გადამცემის გამოყენებით.

შპს „მეგა TV”-მ კომისიის N111, 23.03.2001წ. გადაწყვეტილებით „კავშირგაბმულობისა და ფოსტის შესახებ” საქართველოს კანონის 54-ე მუხლისა და "კავშირგაბმულობისა და ფოსტის სფეროში საქმიანობის ლიცენზიის მფლობელთა ხელახალი რეგისტრაციის წესისა და პირობების შესახებ" დადგენილების მე-2 მუხლის შესაბამისად გაიარა ხელახალი რეგისტრაცია კომისიაში და მისი მონაცემები შეტანილია კომისიის უწყებრივ სალიცენზიო რეესტრში.

კომისია აღნიშნავს, რომ კომპანიის მიერ განხორციელებული საქმიანობა შეესაბამება მოქმედ კანონმდებლობას.

კომპანია ითხოვს ლიცენზიის მოდიფიცირებას გადამცემის სიმძლავრის გაზრდის მიზნით. კომისიას მიაჩნია, რომ გეოგრაფიული პირობების და ხელშეშლების სეზონური ზემოქმედების გათვალისწინებით (ზაფხულის ტროპოსფერული გავრცელება), სამაუწყებლო არეალში სტანდარტული ველის დაძაბულობის შექმნის მიზნით შესაძლებელია ლიცენზიით განსაზღვრული სამაუწყებლო ზონის ფარგლებში გადამცემის სიმძლავრის გაზრდა 100 ვატამდე. ამასთან, სალიცენზიო გადასახდელის საწყისი ოდენობის გაანგარიშება უნდა მოხდეს აღნიშნული გარემოების გათვალისწინებით.

„კავშირგაბმულობისა და ფოსტის შესახებ” საქართველოს კანონის 36-ე მუხლის პირველი და მე-5 პუნქტების, „კოდის გამოყენებით საერთაშორისო სატელეფონო კავშირით მომსახურებაზე და სიხშირული სპექტრის გამოყენებით საქმიანობაზე სალიცენზიო გადასახდელის საწყისი ოდენობის განსაზღვრისა და სალიცენზიო გადასახდელის გადახდის წესის შესახებ” დებულების მე-6 მუხლის პირველი პუნქტის საფუძველზე, კომისიამ

გადაწყვიტა:

1. განისაზღვროს შპს „მეგა TV”-ის N213 ლიცენზიის სალიცენზიო გადასახდელის საწყისი ოდენობა 6 161,4 (ექვსი ათას ასსამოცდაერთი) ლარით;

2. სალიცენზიო გადასახდელის საწყისი ოდენობის 20%-ის (1 232,28 ლარი) გადახდა მოხდეს შემდეგი რეკვიზიტების მიხედვით:

მიმღები	საქართველოს კომუნიკაციების ეროვნული კომისია
დანიშნულება	სალიცენზიო გადასახდელი
ბანკი	სკბ „TBC-ბანკი”
კოდი	220101830
ანგარიშის N	609326

3. სალიცენზიო გადასახდელის საწყისი ოდენობის 10%-ის (616,14 ლარი) ლარი გადახდა მოხდეს შემდეგი რეკვიზიტების მიხედვით:

მიმღები	სახაზინო სამსახურის საოპერაციო დეპარტამენტის კავშირი, კავშირგაბმულობის სალიცენზიო მოსაკრებელი
საიდენტიფიკაციო N	204953050
ბანკი	საქართველოს ეროვნული ბანკი
კოდი	220101107
ანგარიშის N	000141107
სახაზინო ქვეანგარიში	9051
დანიშნულება	სალიცენზიო გადასახდელი

4. უზრუნველყოს შპს „მეგა TV”-იმ სალიცენზიო გადასახდელის საწყისი ოდენობის 20%-ისა და სალიცენზიო გადასახდელის საწყისი ოდენობის 10%-ის გადახდის დამადასტურებელი დოკუმენტების კომისიისათვის წარმოდგენა ერთი თვის ვადაში;

5. უზრუნველყოს შპს „მეგა TV”-იმ სალიცენზიო მოსაკრებლის (1000 ლარი) გადახდის დამადასტურებელი დოკუმენტების კომისიისათვის წარმოდგენა ერთი თვის ვადაში;

6. გადაწყვეტილება შეიძლება გასაჩივრდეს ქ.თბილისის საოლქო სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

7. კონტროლი აღნიშნული გადაწყვეტილების შესრულებაზე დაევალოს კომისიის აპარატის იურიდიულ სამსახურს (ე.ასანიძე).

კომისიის თავმჯდომარე: ვ.აბაშიძე