საქართველოს კომუნიკაციების ეროვნული კომისია (შემდგომში „კომისია„) აღნიშნავს, რომ შპს „სამაუწყებლო კომპანია რუსთავი 2„-მა კომისიას მიმართა განცხადებით (26.02.2003) ტელესამაუწყებლო თანამგზავრული სისტემების მიწისზედა სადგურებით მომსახურებაზე ლიცენზიის მისაღებად.

კომისია აგრეთვე აღნიშნავს, რომ კომპანიის მიერ წარმოდგენილმა სამშენებლო-ტექნიკურმა დოკუმენტაციამ „კავშირგაბმულობისა და ფოსტის შესახებ„ საქართველოს კანონის 38-ე მუხლის მესამე პუნქტის თანახმად, გაიარა ექსპერტიზა ქვეკომისიაში (02.03.2003წ. ქვეკომისიის სხდომის ოქმი N 2) და მიღებული იქნა დადებითი დასკვნა. ამასთან, 2003 წლის 18 აპრილს მოხდა საკითხის ზეპირი მოსმენა, სადაც აღინიშნა, რომ შპს „სამაუწყებლო კომპანია რუსთავი 2”-ის ლიცენზიის მისაღებად წარმოდგენილი დოკუმენტაცია შესაბამისობაშია მოქმედ კანონმდებლობსათან და ლიცენზირებადი საქმიანობის პირობებთან.

„კავშირგაბმულობისა და ფოსტის შესახებ” საქართველოს კანონის 34-ე მუხლის 1 პუნქტისა  და 36-ე მუხლის 2 პუნქტის „გ.ა„ ქვეპუნქტის საფუძველზე, კომისიამ

გადაწყვიტა:

1.                  მიეცეს ლიცენზია შპს „რუსთავი 2”-ს ტელესამაუწყებლო თანამგზავრული სისტემების მიწისზედა სადგურებით მომსახურებაზე (თან ერთვის):

ლიცენზიის სახე: თანამგზავრული და/ან საერთაშორისო სისტემებით მომსახურება;

ლიცენზიის სახეობა: ტელესამაუწყებლო თანამგზავრული სისტემების მიწისზედა სადგურებით მომსახურება;

ლიცენზიის საგანი: თანამგზავრული ტელემაუწყებლობა;

2.                  შეტანილ იქნეს სათანადო მონაცემები კომისიის სალიცენზიო რეესტრში;

3.                  შპს „რუსთავი 2„-მა უზრუნველყოს, საჭიროების შემთხვევაში, ლიცენზიით ნებადართული საქმიანობისათვის მოქმედი კანონმდებლობით გათვალისწინებული ნებართვების მიღება;

4.                  დაევალოს კომისიის აპარატის იურიდიულ სამსახურს „სამეწარმეო საქმიანობის ლიცენზიისა და ნებართის გაცემის საფუძვლების შესახებ” საქართველოს კანონის   34-ე მუხლის მე-3 და მე-8 პუნქტებით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაცემის თაობაზე ინფორმაციის „საქართველოს საკანონმდებლო მაცნეში” გამოქვეყნება;

5.                  გადაწყვეტილება შეიძლება გასაჩივრდეს სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

6.                  კონტროლი აღნიშნული გადაწყვეტილების შესრულებაზე დაევალოთ  ტექნიკურ    /მ. გოთოშია/ და იურიდიულ სამსახურებს /ე. ასანიძე/.

კომისიის თავმჯდომარე                                                    ვ. აბაშიძე