კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ საქართველოში GSM სისტემის მობილური კავშირის ოპერატორმა შპს „ჯეოსელმა” კომისიას მიმართა განცხადებით (0001/AT/HK/191, 16.01.03) წარმოდგენილი ჩამონათვალის შესაბამისად, მაღალსიხშირული მოწყობილობების ქვეყნის ტერიტორიაზე შემოტანის ნებართვის მიღების თაობაზე.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1. მიეცეს ნებართვა შპს „ჯეოსელს” შემოიტანოს საქართველოს ტერიტორიაზე თანდართული ჩამონათვალით (16.12.02.) გათვალისწინებული მაღალსიხშირული მოწყობილობები;

2. უზრუნველყოს შპს „ჯეოსელმა” აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობების ექსპლუატაციაზე ნებართვების მისაღებად;

3. გადაწყვეტილება შეიძლება გასაჩივრდეს თბილისის საოლქო სასამართლოში

(ქ.თბილისი, რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე ვ. აბაშიძე