საქართველოს კომუნიკაციების ეროვნული კომისია (შემდგომში „კომისია„) აღნიშნავს, რომ შპს „რუსთავი 2 ონლაინმა„ კომისიას მიმართა განცხადებით (კომისიაში შემოსული # 7/066-03 04.03.2003), მისთვის ადგილობრივი სატელეფონო კავშირის სისტემითა და ქსელით მომსახურების განსახორციელებლად  ნუმერაციის დამატებითი რესურსის გამოყოფის შესახებ.

კომისია აგრეთვე აღნიშნავს, შპს „რუსთავი 2 ონლაინი„ ფლობს N 1300 ლიცენზიას ადგილობრივი სატელეფონო კავშირის სისტემითა და ქსელით მომსახურებაზე. ზემოაღნიშნული ლიცენზიით კომპანიას საერთო სარგებლობის ქსელში ჩართვისათვის გამოყოფილი აქვს ინდექსი 200XXX-202XXX. ამასთან, სასადგურო ინდექსი 203XXX წარმოადგენს თავისუფალ ნუმერაციის რესურსს.

აღნიშნულიდან გამომდინარე, კომისიას შესაძლებელად მიაჩნია, შპს „რუსთავი 2 ონლაინს„ მიანიჭოს ნუმერაციის რესურსი 203XXX N 1300 ლიცენზიის მოქმედების ვადით.

„კავშირგაბმულობისა და ფოსტის შესახებ” საქართველოს კანონის 49-ე მუხლის თანახმად, კომისიამ

გადაწყვიტა:

1.                  მიეცეს ნებართვა შპს „რუსთავი 2 ონლაინს” ადგილობრივი სატელეფონო კავშირის სისტემითა და ქსელით მომსახურების განსახორციელებლად N 1300 ლიცენზიის მოქმედების ვადით ისარგებლოს ნუმერაციის რესურსით 203XXX;

2.                  ნუმერაციის რესურსის გამოყენების ნებართვის მფლობელის მიერ პრაქტიკული საქმიანობის დაუწყებლობა ნებართვის გაცემიდან ერთი წლის განმავლობაში ან ლიცენზიით განსაზღვრულ ვადაში ნებართვის გაუქმების საფუძველია;

3.                  კავშირგაბმულობის სფეროში კანონმდებლობის შეცვლის შემთხვევაში, შპს „რუსთავი 2 ონლაინი” ვალდებულია, ნუმერაციის რესურსის  გამოყენების საკითხი მოიყვანოს ნორმატიულ ბაზასთან შესაბამისობაში.

4.                  გადაწყვეტილება   შეიძლება   გასაჩივრდეს   ქ. თბილისის საოლქო                სასამართლოში  (ქ. თბილისი რობაქიძის გამზ. 7ა)  6  თვის ვადაში;

5.                  კონტროლი აღნიშნული გადაწყვეტილების შესრულებაზე დაევალოს  ტექნიკურ სამსახურს (მ. გოთოშია).

კომისიის თავმჯდომარე                                                       ვ. აბაშიძე