საქართველოს კომუნიკაციების ეროვნული კომისია (შემდგომში „კომისია„) აღნიშნავს, რომ შპს „სანეტმა„ კომისიას მიმართა განცხადებით (# 2503/01-01 25/03/2003), მისთვის კომისიის მიერ მონაცემთა გადაცემისა და ინტერნეტის ქსელით მომსახურების განსახორციელებლად მინიჭებული ნუმერაციის რესურსის 8-056-ის ნაცვლად, თავისუფალი ნუმერაციის რესურსის 8-008 გამოყოფის შესახებ.

კომისია აგრეთვე აღნიშნავს, შპს „სანეტი„ ფლობს N 383 ლიცენზიას მონაცემთა გადაცემისა და ინტერნეტის ქსელით მომსახურებაზე. ამასთან, კომისიას შესაძლებელად მიაჩნია ნუმერაციის ახალ სისტემაზე გადასვლამდე კომპანიას მომსახურების განსახორციელებლად გამოეყოს თავისუფალი ნუმერაციის რესურსი 8-008, რომელიც არ წარმოადგენს კოდს საერთაშორისო სატელეფონო კავშირით მომსახურებისთვის და შესაბამისად კონკურსის წესით არ გაიცემა.

„კავშირგაბმულობისა და ფოსტის შესახებ” საქართველოს კანონის 49-ე მუხლის თანახმად, კომისიამ

გადაწყვიტა:

1.                  „შ.პ.ს. „სანეტი”-სათვის ნუმერაციის რესურსის გამოყენებაზე ნებართვის გაცემის შესახებ„ საქართველოს კომუნიკაციების ეროვნული კომისიის 2003 წლის 21 მარტის N114/7 გადაწყვეტილების პირველი პუნქტი ჩამოყალიბდეს შემდეგი რედაქციით:

„მიეცეს ნებართვა შპს „სანეტს” მონაცემთა გადაცემისა და ინტერნეტის ქსელით მომსახურების განსახორციელებლად ისარგებლოს ნუმერაციის რესურსით 8-008„;

2.                  გადაწყვეტილება   შეიძლება   გასაჩივრდეს   ქ. თბილისის საოლქო                სასამართლოში  (ქ. თბილისი რობაქიძის გამზ. 7ა)  6  თვის ვადაში;

3.                  კონტროლი აღნიშნული გადაწყვეტილების შესრულებაზე დაევალოს  ტექნიკურ სამსახურს (მ. გოთოშია).

კომისიის თავმჯდომარე                                                       ვ. აბაშიძე