კონტაქტი
თბილისი, 0144,
წმინდა ქეთევან დედოფლის გამზირი №59/ლეხ კაჩინსკის ქუჩა №4
ტელ/ფაქსი: +995 32 2921667
E-mail: post@comcom.ge
ტელეფონის ნომერი
+995 32 2921667ელ.ფოსტა
post@comcom.ge
გადაწყვეტილება N 142 საქართველოს თავდაცვის სამინისტროს საქართველოს შეიარაღებული ძალების გენერალური შტაბისთვის დროებით გატანილი მაღალსიხშირული მოწყობილობების საქართველოში შემოტანაზე ნებართვის გაცემის შესახებ
გამოქვეყნების თარიღი აპრილი 04, 2003
მიღების თარიღი აპრილი 04, 2003
საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ საქართველოს თავდაცვის სამინისტროს საქართველოს შეიარაღებული ძალების გენერალურმა შტაბმა კომისიას მიმართა განცხადებით (N 217; 01.04.03) წარმოდგენილი ჩამონათვალის შესაბამისად საქართველოდან დროებით გატანილი მაღალსიხშირული მოწყობილობების (რადიოსარელეო და სატარებელი რადიოსადგურები) შემოტანაზე ნებართვის მიღების თაობაზე.
„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ
გადაწყვიტა:
1. მიეცეს ნებართვა საქართველოს თავდაცვის სამინისტროს საქართველოს შეიარაღებული ძალების გენერალური შტაბს შემოიტანოს საქართველოს ტერიტორიაზე დროებით გატანილი მაღალსიხშირული მოწყობილობები დანართში (თან ერთვის) მითითებული ჩამონათვალის მიხედვით;
2. უზრუნველყოს საქართველოს თავდაცვის სამინისტროს საქართველოს შეიარაღებული ძალების გენერალური შტაბმა აპარატურის შემოტანისთანავე კომისიაში სათანადო ინფორმაციის წარმოდგენა;
3. აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში;
4. გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი , რობაქიძის გამზ. 7ა) 6 თვის ვადაში;
5. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).
კომისიის თავმჯდომარე ვ. აბაშიძე
საქართველოს კომუნიკაციების ეროვნული კომისიის
2003 წლის 4 აპრილის N გადაწყვეტილების
დანართი
მაღალსიხშირული მოწყობილობების ჩამონათვალი:
სახელმწიფო N AS 0071, ძრავი N 24 681-მ, შასი N 06525525
- „ჰარისი” RF 5800 H (V) - 2 კომპლექტი
- „სინგარსი” PRC-119 E - 2 კომპლექტი
