კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ შპს „ოკრიბა 2002”მა (რეგისტრირებული ქ.თბილისის ისანი-სამგორის რაიონული სასამართლოს 2002 წლის 16 ივლისის N 7/4-2093 დადგენილებით) კომისიას მიმართა განცხადებით წარმოდგენილი ანგარიშფაქტურის (N DJ-SS02, 19.03.03) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. მაღალსიხშირული მოწყობილობები (პორტატული მიკროტალღოვანი სარელეო ხაზი) გამოყენებული უნდა იყოს მოძრავი სატელევიზიო სადგურით სატელევიზიო სიგნალების გადასაცემად.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1. მიეცეს ნებართვა შპს „ოკრიბა 2002”-ს შემოიტანოს საქართველოს ტერიტორიაზე თანდართული ანგარიშფაქტურით (N DJ-SS02, 19.03.03) გათვალისწინებული მაღალსიხშირული მოწყობილობა;

2. უზრუნველყოს შპს „ოკრიბა 2002”-მა აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობის ექსპლუატაციაზე ნებართვის მისაღებად;

3. აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში;

4. გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე ვ.აბაშიძე