სომხეთის რესპუბლიკის მიწისზედა თანამგზავრული სადგურებისთვის  მინიჭებული სიხშირეების გამოყენებაზე თანხმობის გაცემის შესახებ             საქართველოს კომუნიკაციების ეროვნულმა კომისიამ (შემდგომში „კომისია”) განიხილა სომხეთის რესპუბლიკის ტრანსპორტისა და კომუნიკაციების სამინისტროს  წერილები (№ 1-7/9 05.02.03 და № 1-7/11 06.02.03) თანდართული ტექნიკური მახასიათებლებით სომხეთის რესპუბლიკის მიწისზედა თანამგზავრული სადგურებისთვის CBANK-Y_YEREVAN, CBANK-TS_TSAKHKADZOR  (რომლებიც იგეგმება INTELSAT9 60E სათანამგზავრო ქსელში) და ARMINTAIR-ARMENIA (რომელიც იგეგმება INTELSAT9 342E სათანამგზავრო ქსელში) მინიჭებული სამუშაო სიხშირეების გამოყენების  შესახებ. მიწისზედა თანამგზავრული სადგურები სომხეთის რესპუბლიკის ტერიტორიაზე არიან განთავსებული და 3 გგჰც, 11 გგჰც და 14 გგჰც სიხშირულ დიაპაზონებში ფუნქციონირებენ. წარმოდგენილი ფორმის (ApS4/III) შესაბამისად, მათი გამოყენება კორესპონდენციების გადასაცემად არის განსაზღვრული.

            თანდართული ტექნიკური მახასიათებლების შესაბამისად, სომხეთის რესპუბლიკის სათანამგზავრო სამსახურის სადგურები არ ქმნიან ტელეკომუნიკაციების საერთაშორისო კავშირის ნორმებით გათვალისწინებულ მავნე ხელშეშლების მიუღებელ დონეებს საქართველოს ტერიტორიაზე მოქმედი ფიქსირებული და სათანამგზავრო სამსახურების სადგურებისთვის.

             „კავშირგაბმულობისა და ფოსტის შესახებ” საქართველოს კანონის მე-19 მუხლის მე-3 პუნქტის შესაბამისად, კომისიამ

გადაწყვიტა:

1. მიეცეს თანხმობა სომხეთის რესპუბლიკის ტრანსპორტისა და კომუნიკაციების სამინისტროს მიწისზედა თანამგზავრული სადგურებისთვის CBANK-Y_YEREVAN, CBANK-TS_TSAKHKADZOR და ARMINTAIR-ARMENIA მინიჭებული სიხშირეების გამოყენებაზე (№ 1-7/9 05.02.03 და № 1-7/11 06.02.03 წერილების დანართში  აღნიშნული  ტექნიკური მახასიათებლებით);

2. შეტანილი იქნეს ინფორმაცია კოორდინაციაზე წარდგენილი სადგურის შესახებ შესაბამის მონაცემთა ბაზაში.

3. გადაწყვეტილება შეიძლება გასაჩივრდეს თბილისის საოლქო სასამართლოში         (ქ.თბილისი,  რობაქიძის  გამზ.  7ა) 6 თვის ვადაში;  

4. კონტროლი აღნიშნული გადაწყვეტილების შესრულებაზე დაევალოს სამაუწყებლო

სამსახურს (თ. ძაგნიძე).

კომისიის თავმჯდომარე                                                                   ვ. აბაშიძე