რუსეთის ფედერაციის დაღესტნის რესპუბლიკის ტერიტორიაზე არსებული  ფიქსირებული  სამსახურის სადგურებისთვის მინიჭებული სიხშირეების  გამოყენებაზე თანხმობის გაცემის შესახებ             საქართველოს კომუნიკაციების ეროვნულმა კომისიამ (შემდგომში „კომისია”) განიხილა    რუსეთის     რადიოსიხშირეთა    სახელმწიფო     სამსახურის    წერილი    (№ UMS-50/0088, 20.01.03) თანდართული ტექნიკური მახასიათებლებით რუსეთის ფედერაციის ფიქსირებული სამსახურის სადგურებისთვის მინიჭებული სამუშაო სიხშირეების გამოყენების შესახებ. რუსეთის ფედერაციის დაღესტნის რესპუბლიკის ტერიტორიაზე განთავსებული ფიქსირებული სამსახურის აღნიშნული სადგურები სარელეო ხაზის შემადგენელ კვანძებს წარმოადგენენ და 10-11 გგჰც სიხშირულ დიაპაზონში ფუნქციონირებენ.

            წარმოდგენილი ტექნიკური მახასიათებლების შესაბამისად, რუსეთის ფიქსირებული სამსახურის სადგურები არ ქმნიან ტელეკომუნიკაციების საერთაშორისო კავშირის ნორმებით გათვალისწინებულ მავნე ხელშეშლების მიუღებელ დონეებს საქართველოს ტერიტორიაზე მოქმედი ფიქსირებულ სამსახურის სადგურებისთვის.

             „კავშირგაბმულობისა და ფოსტის შესახებ” საქართველოს კანონის მე-19 მუხლის მე-3 პუნქტის შესაბამისად, კომისიამ

გადაწყვიტა:

1. მიეცეს თანხმობა რუსეთის რადიოსიხშირეთა სახელმწიფო სამსახურს რუსეთის ფედერაციის დაღესტნის რესპუბლიკის ტერიტორიაზე არსებული ფიქსირებული სამსახურის  სადგურების   გამოყენებაზე    (№ UMS- 50/0088, 20.01.03     წერილის   დანართში  აღნიშნული  ტექნიკური მახასიათებლებით);

2. შეტანილი იქნეს ინფორმაცია კოორდინაციაზე წარმოდგენილი სადგურების შესახებ შესაბამის მონაცემთა ბაზაში;

3. გადაწყვეტილება შეიძლება გასაჩივრდეს თბილისის საოლქო სასამართლოში         (ქ.თბილისი,  რობაქიძის  გამზ.  7ა) 6 თვის ვადაში;  

4. კონტროლი აღნიშნული გადაწყვეტილების შესრულებაზე დაევალოს სამაუწყებლო

სამსახურს (თ. ძაგნიძე).

            კომისიის თავმჯდომარე                                                                   ვ. აბაშიძე