საქართველოს სახელმწიფო უშიშროების სამინისტროსთვის

სიხშირეების მინიჭების  შესახებ

            საქართველოს კომუნიკაციების ეროვნული კომისია (შემდგომში „კომისია") აღნიშნავს, რომ საქართველოს სახელმწიფო უშიშროების სამინისტრომ კომისიას მიმართა განცხადებით (N 20/27, 10.02.03) ქ. თბილისის ტერიტორიაზე დეციმეტრულ ტალღათა დიაპაზონში ორი სიხშირის მინიჭების თაობაზე. სიხშირეები გათვალისწინებულია სახელმწიფო უშიშროების მიზნით ოპერატიული კავშირისთვის ქ. თბილისში.

          „კავშირგაბმულობისა და ფოსტის შესახებ” საქართველოს კანონის 42-ე მუხლის პირველი პუნქტის „ა” ქვეპუნქტისა და 48-ე მუხლის მე-2 პუნქტის, საქართველოს ზოგადი ადმინისტრაციული კოდექსის 274 და 30-ე მუხლების, საქართველოს პრეზიდენტის ბრძანებულებით (N 43, 21.01.1997) დამტკიცებული „სახელმწიფო საიდუმლოებას მიკუთნებულ ცნობათა ნუსხის„ მე-3 თავის 3.2.20 პუნქტისა და „სახელმწიფო საიდუმლოების შესახებ„ საქართველოს კანონის მე-7 მუხლის მე-4 პუნქტის შესაბამისად,  კომისიამ

გადაწყვიტა:

1.   მიენიჭოს საქართველოს სახელმწიფო უშიშროების სამინისტროს სიხშირეები ოპერატული კავშირისთვის ქ. თბილისში დანართში (თან ერთვის) მითითებული ჩამონათვალის მიხედვით;

2.   საიდუმლოდ იქნეს მიჩნეული წინამდებარე გადაწყვეტილების დანართი;

3.   აღირიცხოს საქართველოს სახელმწიფო უშიშროების სამინისტროსთვის  მინიჭებული სიხშირეები კომისიის შესაბამის ნებართვების უწყებრივ რეესტრში;

4.   უზრუნველყოს საქართველოს სახელმწიფო უშიშროების სამინისტრომ კომისიაში სათანადო   ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

5.    კანონმდებლობის ცვლილების შემთხვევაში საქართველოს სახელმწიფო უშიშროების სამინისტროსთვის სიხშირის მინიჭების საკითხი კანონმდებლობასთან შესაბამისობაში იქნეს  მოყვანილი;

6.    გადაწყვეტილება შეიძლება გასაჩივრდეს ქ. თბილისის საოლქო სასამართლოში ქ.თბილისი, რობაქიძის გამზ. 7ა) 6 თვის ვადაში;   

7.    კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე). 

            კომისიის თავმჯდომარე                                           ვ. აბაშიძე