ს/ს „ეგრისი”-ს N 345 ლიცენზიის მოდიფიცირების შესახებ

საქართველოს კომუნიკაციების ეროვნული კომისია (შემდგომში „კომისია„) აღნიშნავს, რომ სს „ეგრისმა„ კომისიას მიმართა განცხადებით (#26 04.03.2003), # 345 ლიცენზიის მოდიფიცირების შესახებ.

კომისია აგრეთვე აღნიშნავს, სს „ეგრისს„ N 345 ლიცენზიის დანართით მინიჭებული აქვს კოდი 8-12 (რვა-ერთი-ორი) საქალაქთაშორისო სატელეფონო კავშირების დასამყარებლად. კომისიას შესაძლებელად მიაჩნია, აღნიშნული კოდი გამოყენებული იყოს, როგორც საქალაქთაშორისო, ისე საერთაშორისო კავშირების დასამყარებლად.

 „კავშირგაბმულობისა და ფოსტის შესახებ” საქართველოს კანონის 39-ე მუხლის მესამე პუნქტის საფუძველზე, კომისიამ

გადაწყვიტა:

1. მოდიფიცირებულ იქნეს ს/ს „ეგრისი”-ს ლიცენზია N 345 (დანართით);

მინიჭებული ნუმერაციის რესურსი 812 (რვა-ერთი-ორი) გამოყენებულ იქნას საერთაშორისო და საქალაქთაშორისო კავშირების დასამყარებლად;

2. შეტანილ იქნეს სათანადო მონაცემები კომისიის სალიცენზიო რეესტრში;

3. გადაწყვეტილება   შეიძლება   გასაჩივრდეს   ქ. თბილისის საოლქო                სასამართლოში  (ქ. თბილისი რობაქიძის გამზ. 7ა)  6  თვის ვადაში;

4. კონტროლი აღნიშნული გადაწყვეტილების შესრულებაზე დაევალოს  ტექნიკურ  სამსახურს (მ. გოთოშია).

 კომისიის თავმჯდომარე                                          ვ. აბაშიძე