კომპანია „სპი კაპაგ-პეტროფაკ ინთერნეშენელ ლიმითედისთვის”  მაღალსიხშირული მოწყობილობების გამოყენებაზე ნებართვის გაცემის შესახებ             საქართველოს კომუნიკაციების ეროვნული კომისია (შემდეგში „კომისია”) აღნიშნავს, რომ  კომპანია „სპი კაპაგ-პეტროფაკ ინთერნეშენელ ლიმითედმა” (რეგისტრირებული ქ. თბილისის ვაკე-საბურთალოს რაიონული სასამართლოს 2002 წლის 26 დეკემბრის N 5/8-195 დადგენილებით)  კომისიას მიმართა განცხადებით (N SP/VSAT/LP003; 20.03.03.) მაღალსიხშირული მოწყობილობების (მიწისზედა სატელიტური სადგურები) გამოყენებაზე ნებართვის გაცემის შესახებ. განცხადებას თან ერთვის სატელიტური გადამცემი სადგურების პროექტები. მაღალსიხშირული მოწყობილობები განსაზღვრულია ხმოვანი და საინფორმაციო კავშირებისთვის კომპანიის საქართველოს ორგანიზაციასა და შარჯას (არაბთა გაერთიანებული საემიროები) სათავო ოფისს შორის 14.18715 გგჰც სიხშირეზე და გამოყენებული უნდა იყოს შიდასაწარმოო და ტექნოლოგიურ დანიშნულებით, არაკომერციული მიზნით.

         „კავშირგაბმულობისა  და ფოსტის შესახებ” საქართველოს კანონის   49-ე მუხლის მე-2 პუნქტის  შესაბამისად, კომისიამ    

გადაწყვიტა:

1.      მიეცეს ნებართვა კომპანია „სპი კაპაგ-პეტროფაკ ინთერნეშენელ ლიმითედს” მაღალსიხშირული მოწყობილობების გამოყენებაზე წარმოდგენილი ტექნიკური პროექტების გათვალისწინებით.

2.      უზრუნველყოს კომპანია „სპი კაპაგ-პეტროფაკ ინთერნეშენელ ლიმითედმა” მაღალსიხშირული მოწყობილობების გამოყენებაზე მოქმედი კანონმდებლობით გათვალისწინებული საჭირო ნებართვების მიღება;

3.      შეტანილი იქნეს ინფორმაცია კომისიის ნებართვების უწყებრივ რეესტრში;

4.      გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ.7ა) 6 თვის ვადაში;        

5.      კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ.ძაგნიძე).

      კომისიის  თავმჯდომარე                                                            ვ. აბაშიძე

                                               

საქართველოს კომუნიკაციების ეროვნული

                                                            კომისიის გადაწყვეტილების

                                                                                                                       

                                                                                                                                    დანართი

1.       მაღალსიხშირული მოწყობილობის (სატელიტური ინტერნეტ-კავშირის აპარატურა) განთვსების ადგილი: ქ. ჩოხატაური, დუმბაძის ქ. 25.

2.       მაღალსიხშირული მოწყობილობის (სატელიტური ინტერნეტ-კავშირის აპარატურა) სამუშაო სიხშირული დიაპაზონი: 10.95-11.7 გგჰც.

3.       მაღალსიხშირული მოწყობილობის (სატელიტური ინტერნეტ-კავშირის აპარატურა) გამოსავალი სიმძლავრე: 1 ვტ.