საქართველოს კომუნიკაციების ეროვნული კომისია (შემდეგში „კომისია”) აღნიშნავს, რომ  შპს „მაგთიკომმა” (რეგისტრირებული ქ. თბილისის ვაკის რაიონული სასამართლოს 1996 წლის 12 თებერვლის N 5/4-385 დადგენილებით, ლიცენზიის N 958; 14.05.99) კომისიას მიმართა განცხადებით (N 063-2; 02.04.03) რადიოსარელეო სადგურების ექსპლოატაციაზე ნებართვის გაცემის შესახებ.

       „კავშირგაბმულობისა  და ფოსტის შესახებ” საქართველოს კანონის 49-ე მუხლის  მე-2 პუნქტის შესაბამისად, კომისიამ   

გადაწყვიტა:

1.   მიეცეს ნებართვა შპს „მაგთიკომს” რადიოსარელეო სადგურების ექსპლოატაციაზე შიდასაწარმოო და ტექნოლოგიური დანიშნულებით, არაკომერციული მიზნით (დანართში მითითებული ჩამონათვალის მიხედვით);

2.   უზრუნველყოს შპს „მაგთიკომმა”, საჭიროების შემთხვევაში, რადიოსარელეო სადგურების გამოყენებისთვის მოქმედი კანონმდებლობით  გათვალისწინებული   საჭირო ნებართვების მიღება;

3.   შეტანილი იქნეს ინფორმაცია კომისიის ნებართვების უწყებრივ რეესტრში;

4.   გადაწყვეტილება  შეიძლება  გასაჩივრდეს თბილისის საოლქო სასამართლოში (ქ. თბილისი, რობაქიძის გამზ.7ა) 6 თვის ვადაში;

5.   კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ.ძაგნიძე).

      კომისიის  თავმჯდომარე                                                            ვ. აბაშიძე