თბილისის ადგილობრივი ციფრული მიწისზედა სატელევიზიო ქსელის უზრუნველსაყოფად ააიპ „არასამეწარმეო მედია-კავშირი ობიექტივისთვის”, შპს „ტელეკომპანია კავკასიისთვის“ და შპს „ტელეკომპანია თბილისისთვის“...

თბილისის ადგილობრივი ციფრული მიწისზედა სატელევიზიო ქსელის უზრუნველსაყოფად ააიპ „არასამეწარმეო მედია-კავშირი ობიექტივისთვის”, შპს „ტელეკომპანია კავკასიისთვის“ და შპს „ტელეკომპანია თბილისისთვის“ მინიჭებული რადიოსიხშირული რესურსით სარგებლობის უფლების მოქმედების ვადის გაგრძელების თაობაზე

განმცხადებელი: ააიპ „არასამეწარმეო მედია-კავშირი ობიექტივის” (ს/კ 404385465), შპს „ტელეკომპანია კავკასიის“ (ს/კ 203842823), შპს „ტელეკომპანია თბილისის“ (ს/კ 202063818) ერთობლივი განცხადება;

კომისიის სხდომის თარიღი: 2025 წლის 29 მაისი;

I. აღწერილობითი ნაწილი

1. საქართველოს კომუნიკაციების ეროვნული კომისია (შემდგომში ,,კომისია”) აღნიშნავს, რომ კომისიას 2025 წლის 7 მაისს ერთობლივი განცხადებით (კომისიაში რეგისტრაციის №შ-25-7/1930) მიმართეს ააიპ „არასამეწარმეო მედია-კავშირი ობიექტივმა” (ს/კ 404385465), შპს „ტელეკომპანია კავკასიამ“ (ს/კ 203842823) და შპს „ტელეკომპანია თბილისმა“ (ს/კ 202063818) კომისიის 2014 წლის 25 დეკემბრის №716/13 გადაწყვეტილებით, თბილისის ადგილობრივი ციფრული მიწისზედა სატელევიზიო ქსელის უზრუნველსაყოფად მათთვის მინიჭებული რადიოსიხშირული რესურსით სარგებლობის უფლების მოქმედების ვადის გაგრძელების თაობაზე.

2. კომისია აღნიშნავს, რომ ააიპ „არასამეწარმეო მედია-კავშირი ობიექტივი”, შპს „ტელეკომპანია კავკასია“ და შპს „ტელეკომპანია თბილისი“ კომისიის 2014 წლის 25 დეკემბრის №716/13 გადაწყვეტილებით, თბილისის ადგილობრივი ციფრული მიწისზედა სატელევიზიო ქსელის უზრუნველსაყოფად ერთობლივად ფლობენ რადიოსიხშირული რესურსით სარგებლობის უფლებას 2015 წლის 17 ივნისიდან 10 წლის ვადით შემდეგი ტექნიკური პირობებით:

II. სამოტივაციო ნაწილი

3. „ელექტრონული კომუნიკაციების შესახებ“ საქართველოს კანონის 64-ე მუხლის 22-ე პუნქტის თანახმად ადგილობრივი ციფრული მიწისზედა სამაუწყებლო ქსელის მფლობელ ავტორიზებულ პირს, რომელსაც, „ელექტრონული კომუნიკაციების შესახებ“ საქართველოს კანონში ცვლილების შეტანის თაობაზე“ საქართველოს კანონის (საქართველოს საკანონმდებლო მაცნე, 27.02.2014, სარეგისტრაციო კოდი: 320110000.05.001.017341) მე-2 მუხლის მე-8 პუნქტის შესაბამისად, ადგილობრივი ციფრული მიწისზედა სამაუწყებლო ქსელის ფორმირებისათვის უსასყიდლოდ მიენიჭა საჭირო რადიოსიხშირული რესურსი 10 წლის ვადით და რომელიც რადიოსიხშირული სპექტრით სარგებლობს ამ კანონით დადგენილი წესით, რადიოსიხშირული რესურსით სარგებლობის უფლების ვადა გაუგრძელდეს იმავე პირობებით ერთხელ, უსასყიდლოდ, 10 წლით, კომისიის მიერ მარტივი ადმინისტრაციული წარმოების წესით მიღებული გადაწყვეტილებით. აღნიშნულმა ავტორიზებულმა პირმა რადიოსიხშირული რესურსით სარგებლობის უფლების ვადის გაგრძელების შესახებ განცხადებით უნდა მიმართოს კომისიას ამ უფლების ვადის ამოწურვამდე 1 თვით ადრე.

4. კომისია აღნიშნავს, რომ ააიპ „არასამეწარმეო მედია-კავშირ ობიექტივს”, შპს „ტელეკომპანია კავკასიას“ და შპს „ტელეკომპანია თბილისს“ კომისიის 2014 წლის 25 დეკემბრის №716/13 გადაწყვეტილებით, „ელექტრონული კომუნიკაციების შესახებ“ საქართველოს კანონში ცვლილების შეტანის თაობაზე“ საქართველოს კანონის (საქართველოს საკანონმდებლო მაცნე, 27.02.2014, სარეგისტრაციო კოდი: 320110000.05.001.017341) მე-2 მუხლის მე-8 პუნქტის შესაბამისად, თბილისის ადგილობრივი ციფრული მიწისზედა სატელევიზიო ქსელის უზრუნველსაყოფად 10 წლის ვადით მიენიჭა რადიოსიხშირული რესურსით სარგებლობის უფლება, რომელსაც ვადა ეწურება 2025 წლის 17 ივნისს, კომპანიებმა რადიოსიხშირული რესურსით სარგებლობის უფლების ვადის გაგრძელების შესახებ კომისიას ერთობლივი განცხადებით მიმართეს 2025 წლის 7 მაისს, შესაბამისად მათ მიერ დაცულია კომისიაში უფლების მოქმედების ვადის გაგრძელების განცხადების წარმოდგენისათვის კანონმდებლობით დადგენილი ვადა.

III. სარეზოლუციო ნაწილი

5. ყოველივე ზემოაღნიშნულის გათვალისწინებით, ”ელექტრონული კომუნიკაციების შესახებ” საქართველოს კანონის 64-ე მუხლის 22-ე პუნქტის შესაბამისად, კომისიამ, კენჭისყრის შედეგად, ერთხმად

გადაწყვიტა:

1. გაუგრძელდეს მოქმედების ვადა თბილისის ადგილობრივი ციფრული მიწისზედა სატელევიზიო ქსელის უზრუნველსაყოფად ააიპ „არასამეწარმეო მედია-კავშირი ობიექტივისთვის” (ს/კ 404385465), შპს „ტელეკომპანია კავკასიისთვის“ (ს/კ 203842823) და შპს „ტელეკომპანია თბილისისთვის“ (ს/კ 202063818) მინიჭებულ რადიოსიხშირული რესურსით სარგებლობის უფლებას 2025 წლის 17 ივნისიდან 2035 წლის 17 ივნისამდე შემდეგი ტექნიკური პირობებით:

2. წინამდებარე გადაწყვეტილების პირველი პუნქტით განსაზღვრული მაუწყებლები ვალდებულნი არიან:

ა) უზრუნველყონ წინამდებარე გადაწყვეტილების პირველი პუნქტით განსაზღვრული შესაბამისი რადიოსიხშირული რესურსის ამავე პუნქტით განსაზღვრული ტექნიკური პარამეტრების შესაბამისად გამოყენება;

ბ) ციფრული მიწისზედა სატელევიზიო ქსელის ექსპლუატაცია განახორციელონ DVB-T2 (EN 302 755) სტანდარტითა და მონაცემთა შემჭიდროვების MPEG 4 (H.264 - ISO/IEC14496) ტექნოლოგიით. უზრუნველყონ ქსელის ფუნქციონირება DVB-T2 COFDM პარამეტრებზე დაყრდნობით და ქსელში ინფორმაციის გადაცემის წმინდა სიჩქარე უზრუნ ველყონ არანაკლებ -33.1 მგბ/წმ;

გ) ციფრული მიწისზედა სატელევიზიო ქსელის ფარგლებში უზრუნველყონ სტანდარტული გარჩევადობის (SD) ფორმატის მონაცემთა მიწოდება 2.15 მგბ/წმ (ვიდეო გამოსახულების - მინიმუმ 1. 7 მგბ/წმ) სიჩქარით და მაღალი გარჩევადობის (HD) ფორმატის მონაცემთა მიწოდება 8 მგბ/წმ (ვიდეო გამოსახულების - მინიმუმ 7 მგბ/წმ) სიჩქარით. (აღნიშნული სიჩქარე განსაზღვრულია, როგორც სტატისტიკური მულტიპლექსირების საშუალო სიჩქარე ერთი კვირის განმავლობაში და მოიცავს ვიდეო, აუდიო და სუბტიტრირების შესაბამისი მონაცემების გადაცემას);

დ) მულტიპლექს პლატფორმაში განათავსონ (შესაბამისი ტელემაუწყებლების) სატელევიზიო პროგრამების შესახებ 7 დღის ინფორმაცია და მოთხოვნის შემთხვევაში ურთიერთგაცვალონ პროგრამათა ელექტრონული გზამკვლევის ყველა შესაბამისი ინფორმაცია ციფრული მიწისზედა სატელევიზიო ქსელის სხვა ოპერატორთან. (მულტიპლექს პლატფორმაში ელექტრონული გზამკვლევის შესაბამისი ინფორმაციისათვის (PSI/SI) გამოყოფილი უნდა იქნას მინიმუმ 0.8 მგბტ/წმ გამტარუნარიანობა);

ე) დაიცვას მოქმედი კანონმდებლობა, მათ შორის „ანალოგური მიწისზედა საეთერო ტელემაუწყებლობიდან ციფრულ მიწისზედა სატელევიზიო მაუწყებლობაზე გადასვლის სამოქმედო გეგმის და შესაბამისი რეკომენდაციების თაობაზე“ საქართველოს მთავრობის 2014 წლის 10 თებერვლის №206 განკარგულებით მოწონებული სამოქმედო გეგმით განსაზღვრული ოპერირების წესები;

ვ) ჩრდილოვანი ზონების დასაფარად დამატებითი საიტის/საიტების დაგეგმარების შემთხვევაში მომართონ კომისიას, რომელიც თავის მხრივ განახორციელებს შესაბამისი რადიოსიხშირული რესურსისა და ტექნიკური პარამეტრების განსაზღვრას;

ზ) ქსელის ფარგლებში არსებული რესურსი გამოიყენონ ღია საეთერო ან/და მომხმარებელთათვის უფასო კრიპტო-კოდირებული (საქართველოს კანონმდებლობის შესაბამისად ავტორიზებული/ლიცენზირებული მაუწყებლების) სატელევიზიო პროგრამის გასავრცელებლად; თ) კომისიას წარუდგინონ და გამოაქვეყნონ საკუთარ ვებ–გვერდზე ერთიანი მოწვევის ოფერტა, სადაც განსაზღვრული იქნება სატელევიზიო კონტენტის ღია ეთერით 1 მგბ/წმ-ით გავრცელების ყოველთვიური ტარიფი (რომელიც უნდა მოიცავდეს 24 საათიანი უწყვეტი მომსახურების მიწოდების (სამაუწყებლო კონტენტის გავრცელების) ყველა ხარჯს ერთი კალენდარული თვის პერიოდში, გარდა მაუწყებლის სტუდიიდან ქსელში დაშვების წერტილამდე (Head-end) სიგნალის მიწოდების ტარიფისა), სატელევიზიო სიგნალის მიწოდების კოორდინატები და სატელევიზიო სიგნალისა და ელექტრონული გზამკვლევისათვის (EPG) გადაცემათა პროგრამის მიწოდების ტექნიკური პარამეტრები; იმ შემთხვევაში, თუ წინამდებარე გადაწყვეტილების პირველი პუნქტით განსაზღვრული მაუწყებლები ვერ უზრუნველყოფენ კომისიაში ერთიანი მოწვევის ოფერტის წარდგენას, მათ მომსახურების პირობებს, მათ შორის, ტარიფს, დაადგენს კომისია;

ი) იქონიონ სპეციალური ვებ-გვერდი, სადაც განთავსებული იქნება ინფორმაცია დაფარვის ზონის შესახებ და უზრუნველყონ მომხმარებელთა ცხელი ხაზით მომსახურება.

კ) უზრუნველყონ მულტიპლექს პლატფორმაზე დაშვების მსურველი პირისთვის თავისუფალ რესურსზე დაშვება, მიუხედავად იმისა თუ ადგილობრივ მაუწყებელთა გაერთიანების რომელი წევრი განკარგავს აღნიშნულ თავისუფალ რესურსს;

ლ) უზრუნველყონ ქსელის ფარგლებში არსებულ რესურსთან თბილისის ზონაში მოქმედი ადგილობრივი საეთერო ტელემაუწყებლების სტანდარტული გარჩევადობის (SD) ფორმატით (ხოლო დანარჩენ თავისუფალ რესურსთან საქართველოს კანონმდებლობის შესაბამისად ავტორიზებული/ლიცენზირებული ტელემაუწყებლების) არადისკრიმინაციული, ერთგვაროვანი პირობებითა და ხარჯებზე ორიენტირებული ტარიფით დაშვება და ერთგვაროვანი ხარისხის მომსახურების სახეების შეთავაზება;

3. ელექტრომაგნიტური თავსებადობის პირობების დაცვის უზრუნველყოფის მიზნით, კომისია უფლებამოსილია დასაბუთებული გადაწყვეტილებით, მინიჭების ვადის პერიოდში განახორციელოს მინიჭებული რადიოსიხშირეების (სატელევიზიო არხების) ტექნიკური პარამეტრების კორექტირება, მათ შორის, შესაბამის გეოგრაფიულ არეალში რადიოსიხშირის შეცვლა, ხოლო რადიოსიხშირული რესურსის მფლობელი ვალდებულია უზრუნველყოს კორექტირებულ პარამეტრებთან ქსელის ტექნიკური პარამეტრების შესაბამისობაში მოყვანა.

4. დაევალოს კომისიის იურიდიულ დეპარტამენტს:

ა) სათანადო მონაცემების კომისიის ავტორიზებულ პირთა უწყებრივ რეესტრში შეტანა (ქ. სულიაშვილი);

5. დაევალოს კომისიის ადმინისტრაციას (ბ. გასვიანი):

ა) აღნიშნული გადაწყვეტილების ააიპ „არასამეწარმეო მედია-კავშირი ობიექტივისთვის”, შპს „ტელეკომპანია კავკასიისთვის“ და შპს „ტელეკომპანია თბილისისთვის“ გაგზავნა;

ბ) აღნიშნული გადაწყვეტილების კომისიის ოფიციალურ ვებ-გვერდზე (www.comcom.ge) გამოქვეყნება.

6. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ კოლეგიაში (ქ. თბილისი, დავით აღმაშენებლის ხეივანი N64) ააიპ „არასამეწარმეო მედია-კავშირი ობიექტივისთვის”, შპს „ტელეკომპანია კავკასიისთვის“ და შპს „ტელეკომპანია თბილისისთვის“ ჩაბარებიდან ერთი თვის ვადაში;

7. გადაწყვეტილება ძალაში შევიდეს მიღებისთანავე;

8. კონტროლი აღნიშნული გადაწყვეტილების პირველი, მე-2 და მე-3 პუნქტების შესრულებაზე დაევალოს კომისიის აპარატის სპექტრისა და ტექნოლოგიების დეპარტამენტს (ა. ქარუმიძე);

9. კონტროლი აღნიშნული გადაწყვეტილების შესრულებაზე (გარდა პირველი, მე-2, მე-3 და მე-5 პუნქტებისა) დაევალოს კომისიის აპარატის იურიდიული დეპარტამენტის ავტორიზაციის და ლიცენზირების ჯგუფს (მ. ქადეიშვილი).

კახი ბექაური თავმჯდომარე

ვახტანგ აბაშიძე წევრი

ეკატერინე იმედაძე წევრი

ივანე მახარაძე წევრი

თანდართული დოკუმენტები: