შპს „პრემიუმ ვებ სოლუშენსის“ ვიდეოგაზიარების პლატფორმის მომსახურებაზე ავტორიზაციის განცხადების განხილვის თაობაზე

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიას განცხადებით (კომისიაში რეგისტრაციის№შ-23-7/2068,22.06.2023) მიმართა შპს„პრემიუმ ვებ სოლუშენსმა“ (ს/ნ 404503042) „მაუწყებლობის   შესახებ” საქართველოს კანონის შესაბამისად ვიდეოგაზიარების პლატფორმის მომსახურებაზე ავტორიზაციის გავლის თაობაზე. კერძოდ, განცხადების შესაბამისად, შპს„პრემიუმ ვებ სოლუშენსი“ ითხოვს ავტორიზაციას შემდეგი პირობებით:

ა)მომსახურების აღწერა, მათ შორის, მონაცემები იმ კრიტერიუმების შესახებ, რომელთა მიხედვითაც მომსახურება „მაუწყებლობის შესახებ" საქართველოს კანონით გათვალისწინებული ვიდეოგაზიარების პლატფორმის მომსახურებას მიეკუთვნება - კომპანიის მიერ შექმნილი ვიდეოგაზიარების პლატფორმის მეშვეობით შპს „პრემიუმ ვებ სოლუშენსი“ სარედაქციო პასუხისმგებლობის გარეშე უზრუნველყოფს მომხმარებლების მიერ გენერირებული სხვადასხვა სახის და შინაარსის ვიდეორგოლების მიწოდებას საზოგადოებისთვის;

ბ)მომსახურების გავრცელების საშუალება - ინტერნეტი;

გ)ინფორმაცია ვიდეოგაზიარების პლატფორმის მომსახურების მიწოდების მიზნით გამოყენებული საშუალებების შესახებ - აპლიკაცია, ვებ-გვერდი;

დ)მომსახურების შესახებ მონაცემები, თუ ვიდეოგაზიარების პლატფორმის მომსახურება მიეკუთვნება სხვა მომსახურების ნაწილს, აღნიშნული მომსახურების თაობაზე მონაცემები - ვიდეოგაზიარების პლატფორმის მომსახურება არ მიეკუთვნება სხვა მომსახურების ნაწილს;

ე)ვებ-გვერდის მისამართი - www.myvideo.ge

ვ)ინფორმაცია იმ კრიტერიუმების შესახებ, რომელთა მიხედვითაც მომსახურებაზე „მაუწყებლობის შესახებ" საქართველოს კანონის მოქმედება ვრცელდება-  ვიდეოგაზიარების   პლატფორმის მომსახურების მიმწოდებელი იურიდიული პირი დაფუძნებულია საქართველოში.

კომისია აღნიშნავს, რომ შპს„პრემიუმ ვებ სოლუშენსის“ მიერ კომისიაში წარმოდგენილია „მაუწყებლობის   შესახებ“   საქართველოს   კანონის   45 მუხლის  მე-4  და მე-5 პუნქტებით გათვალისწინებული დოკუმენტაცია, კერძოდ კომპანიის განცხადება და ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან.

კომისია აღნიშნავს, რომ 2023 წლის 29 ივნისის სხდომას ესწრებოდა შპს „პრემიუმ ვებ სოლუშენსის“ წარმომადგენელი მიხეილ მახათელაშვილი.

კომისია აღნიშნავს, რომ ”მაუწყებლობის შესახებ” საქართველოს კანონის 382-ე მუხლის მე-2 პუნქტის შესაბამისად ავტორიზაცია, ავტორიზაციის პირობების მოდიფიცირება და ავტორიზებული პირის ინიციატივით ავტორიზაციის შეჩერება ან გაუქმება ხორციელდება მარტივი ადმინისტრაციული წარმოების წესით. ასევე „მაუწყებლობის შესახებ“ საქართველოს კანონში ცვლილების შეტანის თაობაზე საქართველოს კანონის (მიღების თარიღი:22/12/2022, დოკუმენტის ნომერი: N2482-Xრს-Xმპ) მე-2 მუხლის თანახმად გამოძახებით აუდიოვიზუალური მედიამომსახურებისა და ვიდეოგაზიარების პლატფორმის მომსახურების მიმწოდებლები, რომლებიც ამ კანონის ამოქმედების მომენტისთვის ახორციელებენ მედიამომსახურებისა და ვიდეოგაზიარების პლატფორმის მომსახურების მიწოდებას, ვალდებული არიან კანონით დადგენილი წესით გაიარონ ავტორიზაცია ამავე კანონის ამოქმედებიდან 6 თვის ვადაში. შესაბამისად, „მაუწყებლობის შესახებ“ საქართველოს კანონის საფუძველზე შპს „პრემიუმ ვებ სოლუშენსი“ ვიდეოგაზიარების პლატფორმის მომსახურების მიწოდებას განახორციელებს ამავე კანონის საფუძველზე ავტორიზაციის მომენტიდან.

ზემოაღნიშნულის გათვალისწინებით, კომისიას მიაჩნია, რომ უნდა განხორციელდეს შპს„პრემიუმ ვებ სოლუშენსის“ (ს/ნ404503042) ვიდეოგაზიარების პლატფორმის მომსახურებაზე ავტორიზაცია და მისი მონაცემების რეგისტრაცია კომისიის ავტორიზებულ პირთა უწყებრივ რეესტრში.

ყოველივე ზემოაღნიშნულიდან გამომდინარე, კომისიამ, „მაუწყებლობის შესახებ“ საქართველოს კანონის 451 და 382-ე მუხლების შესაბამისად, კენჭისყრის შედეგად, ერთხმად

გადაწყვიტა:

1. გატარდეს შპს „პრემიუმ ვებ სოლუშენსი“ (ს/ნ 404503042) ავტორიზებულ პირთა უწყებრივ რეესტრში ვიდეოგაზიარების პლატფორმის მომსახურებაზე შემდეგი საავტორიზაციო პირობებით:

ა)მომსახურების აღწერა, მათ შორის, მონაცემები იმ კრიტერიუმების შესახებ, რომელთა მიხედვითაც მომსახურება „მაუწყებლობის შესახებ" საქართველოს კანონით გათვალისწინებული ვიდეოგაზიარების პლატფორმის მომსახურებას მიეკუთვნება - კომპანიის მიერ შექმნილი ვიდეოგაზიარების პლატფორმის მეშვეობით შპს „პრემიუმ ვებ სოლუშენსი“ სარედაქციო პასუხისმგებლობის გარეშე უზრუნველყოფს მომხმარებლების მიერ გენერირებული სხვადასხვა სახის და შინაარსის ვიდეორგოლების მიწოდებას საზოგადოებისთვის;

ბ)მომსახურების გავრცელების საშუალება - ინტერნეტი;

გ)ინფორმაცია ვიდეოგაზიარების პლატფორმის მომსახურების მიწოდების მიზნით გამოყენებული საშუალებების შესახებ - აპლიკაცია, ვებ-გვერდი;

დ)მომსახურების შესახებ მონაცემები, თუ ვიდეოგაზიარების პლატფორმის მომსახურება მიეკუთვნება სხვა მომსახურების ნაწილს, აღნიშნული მომსახურების თაობაზე მონაცემები - ვიდეოგაზიარების პლატფორმის მომსახურება არ მიეკუთვნება სხვა მომსახურების ნაწილს;

ე)ვებ-გვერდის მისამართი - www.myvideo.ge

ვ)ინფორმაცია იმ კრიტერიუმების შესახებ, რომელთა მიხედვითაც მომსახურებაზე „მაუწყებლობის შესახებ" საქართველოს კანონის მოქმედება ვრცელდება - ვიდეოგაზიარების პლატფორმის მომსახურების მიმწოდებელი იურიდიული პირი დაფუძნებულია საქართველოში.

2.შპს „პრემიუმ ვებ სოლუშენსი“ ვალდებულია:

ა)დაიცვას ვიდეოგაზიარების პლატფორმის მომსახურების სფეროში მოქმედი საქართველოს კანონმდებლობა, მათ შორის, კომისიის დადგენილებები და გადაწყვეტილებები, ვიდეოგაზიარების პლატფორმის მომსახურების სფეროში მოქმედ საქართველოს კანონმდებლობაში ცვლილებების შეტანის შემთხვევაში უზრუნველყოს ავტორიზებული საქმიანობის მათთან შესაბამისობა;