საქართველოს კომუნიკაციების ეროვნული კომისიის 2018  წლის 26 აპრილის № 258/7 გადაწყვეტილებაში ცვლილების შეტანის თაობაზე

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ შპს „მაგთიკომმა“ (რეგისტრირებულია ვაკის რ-ნის სასამართლოს მიერ 1996 წლის 12 თებერვალს, რეგ. №5/4-385; ს.კ. № 204876606) კომისიას მიმართა განცხადებით (კომისიაში რეგისტრაციის №შ-19-6/4706, 06.12.19) და მოითხოვა კომისიის 2018   წლის 26 აპრილის № 258/7 გადაწყვეტილებით მინიჭებული რადიოსარელეო სიხშირეების ნაწილზე (48 რადიოსარელეო მიმართულებაზე) სარგებლობის უფლების გაუქმება და მომდევნო სამ წელს (2020, 2021 და 2022) გრაფიკით განსაზღვრული რადიოსიხშირული რესურსით სარგებლობის საფასურის გადაანგარიშება.

კომისია აღნიშნავს, რომ  კომისიის 2018  წლის 26 აპრილის № 258/7 გადაწყვეტილებით შპს „მაგთიკომს“  მინიჭებული აქვს რადიოსარელეო სიხშირეებით სარგებლობის უფლება 1474 მიმართულებაზე დამხმარე ტექნოლოგიური, არაკომერციული დანიშნულებით 2022 წლის 31 დეკემბრის ჩათვლით. კომისიის ამავე გადაწყვეტილებით შპს „მაგთიკომს“ რადიოსიხშირული რესურსით სარგებლობის საფასური - 854,010.31 (რვაასორმოცდათოთხმეტი ათას ათი ლარი და ოცდათერთმეტი თეთრი) ლარი, რომელიც გაანგარიშებულია კომისიის 2005 წლის 12 დეკემბრის N13 დადგენილებით დამტკიცებული „რადიოსიხშირული სპექტრით სარგებლობის უფლების მოსაპოვებლად აუქციონის გამართვისა და რადიოსიხშირული სპექტრით სარგებლობის საფასურის განსაზღვრის დებულების“ 71  მუხლის პირველი პუნქტის თანახმად  გადასახდელი აქვს შემდეგი გრაფიკის შესაბამისად: პირველი კალენდარული წლის საფასური 183,658.13 ლარი - 2018 წლის პირველ მაისამდე; მეორე კალენდარული წლის საფასური 268,140.87 ლარი - 2019 წლის 20 იანვრამდე; მესამე კალენდარული წლის საფასური 134,070.43 ლარი - 2020 წლის 20 იანვრამდე; მეოთხე კალენდარული წლის საფასური 134,070.43 ლარი - 2021 წლის 20 იანვრამდე; მეხუთე კალენდარული წლის საფასური 134,070.43 ლარი - 2022 წლის 20 იანვრამდე.

კომისია აღნიშნავს, რომ შპს „მაგთიკომს“ გრაფიკის შესაბამისად გადახდილი აქვს პირველი და მეორე კალენდარული წლის საფასური. კომპანია ითხოვს მესამე, მეოთხე და მეხუთე კალენდარული წლის საფასურის გადაანგარიშებას, ვინაიდან უარს აცხადებს 48 რადიოსარელეო მიმართულებისთვის მინიჭებული სიხშირული რესურსით სარგებლობის უფლებაზე.

კომისია აღნიშნავს, რომ კომისიის 2005 წლის 12 დეკემბრის N13 დადგენილებით დამტკიცებული „რადიოსიხშირული სპექტრით სარგებლობის უფლების მოსაპოვებლად აუქციონის გამართვისა და რადიოსიხშირული სპექტრით სარგებლობის საფასურის განსაზღვრის დებულების“ 71 მუხლის მე-8 პუნქტის თანახმად რადიოსიხშირული რესურსით სარგებლობის უფლების მფლობელი უფლებამოსილია, რადიოსიხშირული რესურსის სარგებლობის ვადის ამოწურვამდე უარი განაცხადოს რადიოსარელეო ქსელის ან რადიოსარელეო ხაზის ერთი ან რამდენიმე მონაკვეთის ან ამ მონაკვეთისთვის მინიჭებული რადიოსიხშირული რესურსით სარგებლობის უფლებაზე. რადიოსიხშირული რესურსით სარგებლობის უფლების, მათ შორის, რადიოსარელეო ქსელის ან რადიოსარელეო ხაზის ერთი ან რამდენიმე მონაკვეთის ან ამ მონაკვეთისთვის მინიჭებული რადიოსიხშირული რესურსით სარგებლობის უფლებაზე უარის თქმის ან/და გაუქმების შემთხვევაში, რადიოსიხშირული სპექტრის რესურსით სარგებლობისათვის გადახდილი საფასური არ ბრუნდება.

შპს „მაგთიკომის“ მიერ წარმოდგენილი (კომისიაში რეგისტრაციის №შ-19-6/4706, 06.12.19) ინფორმაციის შესაბამისად ბაზრის ანალიზისა და სტრატეგიული განვითარების დეპარტამენტის მიერ (სამასახურებრივი ბარათი N19-10-2535 25.12.19) გადაანგარიშებულ იქნა რადიოსიხშირული რესურსით მესამე, მეოთხე და მეხუთე კალენდარული წლის საფასურის ოდენობა.

გადაანგარიშების შედეგად შპს „მაგთიკომის“ მიერ ხუთი წლის განმავლობაში გადასახდელი   რადიოსიხშირული რესურსით სარგებლობის საფასური შეადგენს - 839,694.69 (რვაასოოცდაცხრამეტი ათას ექვსასოთხმოცდათოთხმეტი ლარი და სამოცდაცხრა თეთრი) ლარს, ნაცვლად კომისიის 2018  წლის 26 აპრილის № 258/7 გადაწყვეტილებით განსაზღვრული 854,010.31 ლარისა; მესამე კალენდარული წლის საფასური შეადგენს 129,298.56 ლარს, ნაცვლად კომისიის 2018 წლის 26 აპრილის №258/7 გადაწყვეტილებით განსაზღვრული 134,070.43 ლარისა; მეოთხე კალენდარული წლის საფასური შეადგენს 129,298.56 ლარს, ნაცვლად კომისიის 2018   წლის 26 აპრილის № 258/7 გადაწყვეტილებით განსაზღვრული 134,070.43 ლარისა; მეხუთე კალენდარული წლის საფასური შეადგენს 129,298.56  ლარს, ნაცვლად კომისიის 2018  წლის 26 აპრილის № 258/7 გადაწყვეტილებით განსაზღვრული 134,070.43 ლარისა.

საკითხის განხილვა გაიმართა კომისიის 2020 წლის 9 იანვრის სხდომაზე. სხდომაზე აღინიშნა, რომ საჭიროა საკითხის დამატებითი შესწავლა და გადაწყვეტილების მიღების თარიღად დასახელდა 2020 წლის 16 იანვარი.

2020  წლის 16 იანვრის  სხდომაზე  აღინიშნა,  რომ  შესაძლებელია დაკმაყოფილდეს შპს „მაგთიკომის“ მოთხოვნა, კერძოდ განხორციელდეს ცვლილებების შეტანა კომისიის 2018 წლის 26 აპრილის №258/7გადაწყვეტილებაში, გაუქმდეს    48  რადიოსარელეო  მიმართულებისთვის მინიჭებული სიხშირული რესურსით სარგებლობის უფლება და გადაანგარიშდეს მესამე, მეოთხე და მეხუთე კალენდარული წლის საფასურის ოდენობა.

ყოველივე ზემოაღნიშნულის გათვალისწინებით საქართველოს ზოგადი ადმინისტრაციული კოდექსის 63-ე მუხლის შესაბამისად, კომისიამ კენჭისყრის შედეგად, ერთხმად

გადაწყვიტა:

1. შევიდეს ცვლილება „საქართველოს კომუნიკაციების ეროვნული კომისიის 2018 წლის 26 აპრილის№ 258/7 გადაწყვეტილებაში და გადაწყვეტილების დანართი ჩამოყალიბდეს თანდართული რედაქციით;

2. შევიდეს ცვლილება „საქართველოს კომუნიკაციების ეროვნული კომისიის 2018 წლის 26 აპრილის № 258/7 გადაწყვეტილებაში და გადაწყვეტილების მესამე პუნქტი ჩამოყალიბდეს შემდეგი რედაქციით:

„3. უზრუნველყოს შპს „მაგთიკომმა“ ამ გადაწყვეტილების მე-2 პუნქტში განსაზღვრული საფასურის - 839,694.69 (რვაასოოცდაცხრამეტი ათას ექვსასოთხმოცდათოთხმეტი ლარი და სამოცდაცხრა თეთრი) გადახდა შემდეგი გრაფიკის და რეკვიზიტების მიხედვით:

მიმღების დასახელება - სსიპ საქართველოს კომუნიკაციების ეროვნული კომისია; საიდენტიფიკაციო კოდი - 204953050;

ანგარიშის IBAN – GE06 TB70 2063 6070 1000 02;

მიმღების ბანკი - სს თიბისი; მიმღები ბანკის კოდი - TBCBGE22;

დანიშნულება  -  რადიოსიხშირული  რესურსით  სარგებლობის  საფასური არაკომერციული  და დამხმარე ტექნოლოგიური დანიშნულებით ავტორიზებული პირებისთვის. პირველი კალენდარული წლის საფასური 183,658.13 ლარი - 2018 წლის პირველ მაისამდე; მეორე კალენდარული წლის საფასური 268,140.87 ლარი - 2019 წლის 20 იანვრამდე; მესამე კალენდარული წლის საფასური 129,298.56 ლარი - 2020 წლის 20 იანვრამდე; მეოთხე კალენდარული წლის საფასური 129,298.56 ლარი - 2021 წლის 20 იანვრამდე; მეხუთე კალენდარული წლის საფასური 129,298.56 ლარი - 2022 წლის 20 იანვრამდე.“

3. დაევალოს:

ა)  კომისიის    აპარატის  ადმინისტრაციის  საბუღალტრო  ჯგუფს  (ნ.  დევდარიანი)    საფასურის აღრიცხვა შესაბამის საბუღალტრო პროგრამაში;

ბ)   კომისიის   აპარატის   სპექტრის   და   ტექნოლოგიის   დეპარტამენტს   (ლ.   ლაშქარავა)   და სამართლებრივი დეპარტამენტის ავტორიზაციის და ლიცენზირების ჯგუფს (ქ. სულიაშვილი) შპს „მაგთიკომისთვის“ მინიჭებული სიხშირეების კომისიის უწყებრივ რეესტრში აღრიცხვა;

4. დაევალოს კომისიის ადმინისტრაციას აღნიშნული გადაწყვეტილების დამოწმებული ასლის შპს „მაგთიკომისთვის“გაგზავნა (ნ. ჯავახიძე) და კომისიის ოფიციალურ ვებ გვერდზე (www.gncc.ge)  გამოქვეყნება (ნ. შოვნაძე);

5. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დავით აღმაშენებლის ხეივანი, მე-12 კმ., №6) გადაწყვეტილების დამოწმებული ასლის შპს „მაგთიკომისთვის“ ჩაბარებიდან 1 თვის ვადაში;

6. გადაწყვეტილება ძალაში შევიდეს შპს „მაგთიკომისთვის“ ჩაბარებისთანავე;

7.   კონტროლი   აღნიშნული   გადაწყვეტილების   შესრულებაზე   დაევალოს  კომისიის აპარატის სამართლებრივი დეპარტამენტის ავტორიზაციის და ლიცენზირების ჯგუფს (მ. ქადეიშვილი).

კახი ბექაური   თავმჯდომარე

ვახტანგ აბაშიძე  წევრი