შპს „ტელე-რადიო კომპანია TV-7“-ს რადიოსიხშირული სპექტრით სარგებლობის №F90 ლიცენზიის გაუქმებისა და კომისიის 2013 წლის 15 თებერვლის №95/1 გადაწყვეტილების ძალადაკარგულად გამოცხადების შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიას განცხადებით (კომისიაში რეგისტრაციის №7/1692-17-16, 20.02.2017) მიმართა შპს „ტელე-რადიო კომპანია TV-7“-მა რადიოსიხშირული სპექტრით სარგებლობის №F90 ლიცენზიის გაუქმების მოთხოვნით.

კომისია აღნიშნავს, რომ შპს „ტელე-რადიო კომპანია TV-7“ ფლობს რადიოსიხშირული სპექტრით სარგებლობის №F90 ლიცენზიას კომისიის 2013 წლის 15 თებერვლის №95/1 გადაწყვეტილებით განსაზღვრული შემდეგი სალიცენზიო პირობებით:

ა) რადიოსიხშირული სპექტრი: 15117 მჰც ± 14 მჰც; მიმართულება: მთაწმინდის სატელევიზიო ანძიდან – სტუდიამდე (ქ. თბილისი, კოსტავას ქ. №68); რადიოსიხშირული ზოლის სიგანე 28 მჰც; გასხივების სიმძლავრე 0,5 ვატი; ცალმხრივი რადიოსარელეო ხაზების ფუნქციონირებისთვის, კერძო მაუწყებლობის №B117 ლიცენზიით განსაზღვრული საქმიანობისას, დამხმარე ტექნოლოგიური დანიშნულებით გამოყენებისათვის;

ბ) რადიოსიხშირული სპექტრი: 15324 მჰც ± 14 მჰც; მიმართულება: სტუდიიდან (ქ. თბილისი, კოსტავას ქ. №68) – მახათას მთამდე (შპს „ბლექ სი სატის” სადგური); რადიოსიხშირული ზოლის სიგანე 28 მჰც; გასხივების სიმძლავრე 0,5 ვატი; ცალმხრივი რადიოსარელეო ხაზების ფუნქციონირებისთვის, კერძო მაუწყებლობის №B117 ლიცენზიით განსაზღვრული საქმიანობისას, დამხმარე ტექნოლოგიური დანიშნულებით გამოყენებისათვის;

გ) რადიოსიხშირული სპექტრი: 6854 მჰც ± 14 მჰც; მიმართულება: ქ. თბილისის ტერიტორიიდან მთაწმინდის სატელევიზიო ანძამდე; რადიოსიხშირული ზოლის სიგანე 28 მჰც; გასხივების სიმძლავრე 2 ვატი; მობილური ჩართვებისთვის, კერძო მაუწყებლობის №B117 ლიცენზიით განსაზღვრული საქმიანობისას, დამხმარე ტექნოლოგიური დანიშნულებით გამოყენებისათვის;

დ) ლიცენზიის მოქმედების ვადა: 2023 წლის 15 თებერვლამდე;

კომისია აღნიშნავს, რომ „ელექტრონული კომუნიკაციების შესახებ“ საქართველოს კანონის 54-ე მუხლის პირველი პუნქტის ა) ქვეპუნქტის შესაბამისად, ლიცენზიის მფლობელის მოთხოვნა წარმოადგენს ლიცენზიის გაუქმების ერთ-ერთ საფუძველს.

 ზემოაღნიშნულიდან გამომდინარე, კომისიის 2017 წლის 2 მარტის №134/23 გადაწყვეტილებით დაიწყო საჯარო ადმინისტრაციული წარმოება რადიოსიხშირული სპექტრით სარგებლობის №F90 ლიცენზიის გაუქმებისა და კომისიის 2013 წლის 15 თებერვლის №95/1 გადაწყვეტილების ძალადაკარგულად გამოცხადების მიზნით. ზეპირი მოსმენის თარიღად განისაზღვრა 2017 წლის 6 აპრილის 15:00 საათი, ხოლო გადაწყვეტილების მიღების თარიღად ზეპირი მოსმენის ჩატარებიდან 10 სამუშაო დღე;

2017 წლის 6 აპრილის ზეპირი მოსმენის სხდომას არ ესწრებოდა შპს „ტელე-რადიო კომპანია TV-7“-ის წარმომადგენელი. ზეპირი მოსმენის სხდომაზე გადაწყვეტილების მიღების თარიღად დასახელდა 2017 წლის 13 აპრილის 15:00 საათი.

კომისია აღნიშნავს, რომ კომისიის 2013 წლის 15 თებერვლის №95/1 გადაწყვეტილების თანახმად ამოწურვადი რესურსით სარგებლობის საფასურის 70% - 4,999.79 (ოთხი ათას ცხრაასოთხმოცდაცხრამეტი და 79) ლარი კომპანიას უნდა გადაეხადა საქართველოს ცენტრალურ სახელმწიფო ბიუჯეტში შემდეგი გრაფიკის  მიხედვით:

416.65 ლარი - 2013 წლის 15 მარტამდე;

416.65 ლარი - 2013 წლის 15 აპრილამდე;

416.65 ლარი - 2013 წლის 15 მაისამდე;

416.65 ლარი - 2013 წლის 15 ივნისამდე;

416.65 ლარი - 2013 წლის 15 ივლისამდე;

416.65 ლარი - 2013 წლის 15 აგვისტომდე;

416.65 ლარი - 2013 წლის 15 სექტემბრამდე;

416.65 ლარი - 2013 წლის 15 ოქტომბრამდე;

416.65 ლარი - 2013 წლის 15 ნოემბრამდე;

416.65 ლარი - 2013 წლის 15 დეკემბრამდე;

416.65 ლარი - 2014 წლის 15 იანვრამდე;

416.64 ლარი - 2014 წლის 15 თებერვლამდე.

შპს „ტელე-რადიო კომპანია TV-7“-ს რადიოსიხშირული სპექტრით სარგებლობის №F90 ლიცენზიაში მთლიანად გადასახდელი ჰქონდა ამოწურვადი რესურსით სარგებლობის საფასური - 7,142.56 ლარი. 2017 წლის 13 აპრილის მდგომარეობით კომპანიას გადახდილი აქვს 4,842.70 ლარი და ერიცხება 2,299.79 ლარის დავალიანება. ამავე დროს კომპანიის მიერ მოთხოვნილია რადიოსიხშირული სპექტრით სარგებლობის №F90 ლიცენზიის გაუქმება.

კომისიის 2017 წლის 13 აპრილის სხდომას ესწრებოდა შპს „ტელე-რადიო კომპანია TV-7“-ის 50%-იანი წილის მფლობელი ლია ახალაძე. კომისიის სხდომაზე არ გამოვლენილა რადიოსიხშირული სპექტრით სარგებლობის №F90 ლიცენზიის გაუქმების დამაბრკოლებელი რაიმე გარემოება.

ზემოაღნიშნულის გათვალისწინებით, „ელექტრონული კომუნიკაციების შესახებ“ საქართველოს კანონის 54-ე მუხლის პირველი პუნქტის ა) ქვეპუნქტის, „ეროვნული მარეგულირებელი ორგანოების შესახებ“ საქართველოს კანონის მე-16 მუხლის მე-4 პუნქტის,  საქართველოს ზოგადი ადმინისტრაციული კოდექსის 115-ე მუხლის მე-2 ნაწილის და IX თავის შესაბამისად, კომისიამ კენჭისყრის შედეგად, ერთხმად

გადაწყვიტა:

1. გაუქმდეს შპს „ტელე-რადიო კომპანია TV-7“-ის კუთვნილი რადიოსიხშირული სპექტრით სარგებლობის №F90 ლიცენზია და ძალადაკარგულად გამოცხადდეს კომისიის 2013 წლის 15 თებერვლის №95/1 გადაწყვეტილება;

2.  დაევალოს კომისიის აპარატის ლიცენზირების, ავტორიზაციისა და ნებართვების  დეპარტამენტს  (მ. ქადეიშვილი):

ა) სათანადო მონაცემების კომისიის სალიცენზიო რეესტრში;

ბ) ლიცენზიის გაუქმების თაობაზე ინფორმაციის სსიპ „საქართველოს საკანონმდებლო მაცნეში“ და საქართველოს ფინანსთა სამინისტროში გაგზავნის უზრუნველყოფა;

3. დაევალოს კომისიის აპარატის ადმინისტრაციას აღნიშნული გადაწყვეტილების დამოწმებული ასლის შპს „ტელე-რადიო კომპანია TV-7“-ისთვის გაგზავნა (ი. ხარებავა);

4. გადაწყვეტილება ძალაში შევიდეს აღნიშნული გადაწყვეტილების კომისიის ოფიციალურ ვებ-გვერდზე (www.gncc.ge) გამოქვეყნების დღიდან;

5. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დავით აღმაშენებლის ხეივანი, მე–12 კმ; №6) შპს „ტელე-რადიო კომპანია TV-7“-ისთვის აღნიშნული გადაწყვეტილების დამოწმებული ასლის ჩაბარებიდან ერთი  თვის ვადაში;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის ლიცენზირების, ავტორიზაციისა და ნებართვების  დეპარტამენტს (მ. ქადეიშვილი).

კომისიის თავმჯდომარე                                        ვახტანგ აბაშიძე

კომისიის წევრი                                                        ელისო ასანიძე

კომისიის წევრი                                                        გიორგი ფრუიძე

კომისიის წევრი                                                        მერაბ ქათამაძე